मुंबई - ICICI बँकेने आपल्या ग्राहकांना नवीन वर्षात एक अनोखं गिफ्ट दिलं आहे. आता ICICI बँकेच्या ATM मधून ATM कार्डशिवाय तब्बल २० हजार रुपये काढता  येणार आहे. ICICI बँकेने ATM मधून 'कार्डलेस कॅश विड्रॉल'च्या सेवेची घोषणा केलीये. यामध्ये ग्राहक बँकेच्या iMobile या ऍपमधून २० हजार रुपयांपर्यन्त कॅश ATM मधून काढू शकतात. डेबिट कार्डचा उपयोग न करताही पैसे काढण्याची ही एक सोपी पद्धत आहे. दररोज ग्राहक या सेवेच्या माध्यमातून २० हजारांपर्यंत कॅश काढू शकणार आहेत.

मोठी बातमी - 'ते' आधी निर्जनस्थळी न्यायचे; मग करायचे...

ICICI बँक सुरुवातीपासूनच डिजिटल व्यवहारांमध्ये अग्रेसर आहे. याचाच एक भाग म्हणून Cardless Cash Withdrawal चा फायदा ग्राहकांना होऊ शकतो, असं ICICI बँकेचे कार्यकारी संचालक अनुप बागची यांनी म्हंटलय. हे व्यवहार अतिशय  सुरक्षित आहेत. डेबिट कार्डचा वापर न करता पैसे काढणं हे ICICI च्या ग्राहकांसाठी नवा अनुभव असणार आहे. त्यामुळे ICICI बँकेचे सगळे चॅनल्स आणि टच पॉइंट्समध्ये नव्या तंत्रज्ञानाचा वापर करण्यावर लक्ष द्यावं लागेल आणि ग्राहकांना बँकेच्या सुविधा उपलब्ध करून दिल्या जाणार आहेत असंही त्यांनी सांगितलं आहे.

असं करा Cardless Cash Withdrawal -

• ICICI च्या "i mobile" अ‍ॅपमध्ये लॉग इन करा
• सर्व्हिस अँड कॅश विड्रॉवल अ‍ॅट ICICI बँक ATM चा पर्याय निवडा
• किती पैसे काढायचे आहेत ती रक्कम टाका
• अकाउंट नंबर निवडा
• 4 आकडी तात्पुरता पिन बनवा आणि सबमिट करा
• लगेचच एक रेफरन्स OTP येईल    
• ICICI बँकेच्या कोणत्याही ATM मध्ये जा 
• कार्डलेस कॅश विड्रॉल हा पर्याय निवडा
• आलेला OTP आणि डिटेल्स तिथे भरा
• यानंतर तुम्हाला पैसे मिळतील.  

खतरनाक -  #करोना व्हायरस : बचावासाठी मुंबईत या केल्या उपाययोजना

ICICI bank to offer cardless cash withdrawl upto 20 thousand