मुंबई : कोरोना विषाणूने राज्यासह मुंबईत धुमाकूळ घातला असून पावसाळ्यात ही परिस्थिती आणखी गंभीर होणार असल्याची भीती आयआयटी मुंबईच्या संशोधनातून व्यक्त करण्यात आली आहे. उन्हाळ्यात वातावरणात उष्णता असल्यामुळे कोरोनाग्रस्त व्यक्ती शिंकल्याने किंवा खोकल्याने जे थेंब बाहेर पडतात ते उष्णतेमुळे लवकर सुकून जातात. मात्र पावसाळ्यात उष्णता केवळ 10 टक्के असल्यामुळे कोरोना विषाणूचे थेंब अनेक नागरिकांपर्यंत पोहोचणार असल्याचे आयआयटीच्या प्राध्यापकांनी केलेल्या अभ्यासात उघडकीस आले आहे. त्यामुळे आता पावसाळ्यात कोरोनाचा प्रभाव झपाट्याने वाढण्याची शक्यता अभ्यासातून वर्तवण्यात आली आहे.

वाचा ः ट्विटरचं नवं फीचर; स्टोरी स्वरुपात शेअर करता येणार तुमचं 'फ्लीट्स'...

आयआयटी मुंबई मधील प्राध्यापक रजनीश भारद्वाज आणि अमित अग्रवाल यांनी देशातील सहा शहरातील कोरोनाग्रस्त व्यक्तींच्या अभ्यास केला आहे. कोरोनाग्रस्त व्यक्ती शिंकल्यानंतर किंवा खोकल्यानंतर विषाणू थुंकी वाटे बाहेर पडतात. त्यामुळे थुंकीचे थेंब किती वेळ जिवंत राहू शकतात आणि थुंकी सुकण्यासाठी किती वेळ तसेच उष्णता लागते याचा अभ्यास केला. उष्णता कमी असणाऱ्या शहरातील कोरोना रोगाच्या आकडेवारीचा अभ्यास केला असून उष्णता कमी असणाऱ्या शहरात कोरोना पाच पट्टीने जास्त झपाट्याने वाढत असल्याचे निदर्शनास आले.

वाचा ः कोरोना रुग्णसंख्येत मुंबईने वुहानला मागे सोडले, तर महाराष्ट्र चीनच्याही पुढे

व्यक्तीला कोरोना झाल्यास त्या व्यक्तीला खोकला आणि शिंका येतात. व्यक्ती शिंकल्यानंतर शेकडो विषाणूचे थेंब बाहेर पडतात. हे थेंब सुकून नष्ट होण्यासाठी मोठ्याप्रमाणात उष्णता लागते. मात्र आता पावसाळा येणार असल्याने मुंबईतील परिस्थिती आणखी गंभीर होण्याची शक्यता आहे. 

वाचा ः लातूरसारखं कोकणात किल्लारी पॅटर्न अशक्य? पवारांनी दिलं 'हे' उत्तर

वातावरणातील बदलाचा फटका
आता जून महिना चालू झाला असून वातावरणात झपाट्याने बदल होत आहे. काही दिवसाने मुंबईमध्ये ऊन पूर्णपणे कमी होणार असल्यामुळे उष्णता 80 ते 90 टक्के कमी होणार आहे. त्यामुळे कोरोना विषाणू नष्ट होणार नसून विविध ठिकाणी तो तसाच जिवंत राहणार असल्याचे अभ्यासातून समोर आले आहे.