मुंबई ः कोरोनाचे आक्रमण सुरु झाल्यापासून जीवनावश्यक सेवा देणाऱ्या कर्मचाऱ्यांची ने-आण करण्यासाठी बेस्टच्या बसगाड्या अहोरात्र धावत आहे. दरम्याच्या काळात बेस्ट उपक्रमातील काही कर्मचाऱ्यांना कोरोनाची लागण झाल्याने बेस्ट प्रशासनाने खबरदारी म्हणून काही महत्वाचे निर्णय घेतले आहे. 

मोठी बातमी ः उद्धव ठाकरेंना आला राज्यपालांचा फोन ; म्हणाले 'इथे भेटल्यावर ठरवू या वेळ'... 

सध्या बेस्टकडून सर्वसामान्य नागरिकांसाठी असणारी सेवा बंद आहे. केवळ पोलिस, महापालिका, बेस्ट कर्मचारी, आरोग्य सेवेतील कर्मचाऱ्यांसाठी बेस्टकडून निःशुल्क सेवा दिली जात आहे. केवळ अन्य सेवेतील कर्मचाऱ्यांना निर्धारित तिकिट काढावी लागते. त्यामुळे बेस्टने काही महत्वाचे निर्णय घेतले आहे. सरकारी अत्यावश्यक सेवेतील कर्मचाऱ्यांची वाहतूक करणाऱ्या फेऱ्यांमधील बसमध्ये वाहकांची सेवा बंद करणार असल्याचे सूत्रांनी सांगितले आहे. मात्र बेस्ट प्रशासनाने वाहक कोणत्या बसमध्ये नसतात हे सांगणे टाळले असून सध्या वीस टक्के बेस्ट बस वाहकांविना धावत आहे. या प्रकारे वाहकांविना धावणाऱ्या बेस्ट बसचे प्रमाण वाढवण्याचा बेस्ट प्रशासनाचा विचार आहे. 

हे वाचलं का ः ही तर हद्दच झाली...ऑनलाईन सुनावणीला चक्क बनियानवर अवतरला वकील 

प्रवासी नसलेल्या मार्गावर वाहकांची गरज नाही, हा विचार बेस्ट प्रशासन करीत आहे.अन्य सेवेत काम करणाऱ्या कर्मचाऱ्यांसाठी बेस्टची सेवा सुरु आहे. त्या बेस्ट बसमध्ये कंडक्टर अर्थात वाहक आवश्यक आहेत. वाहक असलेल्या बेस्ट बसमध्ये चालकाच्या पाठीमागे प्लॅस्टिकचा पडदा लावण्याबाबत बेस्ट विचार करत आहे. यावेळी वाहकही चालकाच्या शेजारील भागात असेल. त्यामुळे बेस्टचे दोन्ही कर्मचारी प्रवाशांच्या फारसे संपर्कात येणार नाही. बेस्टचे कर्मचाऱ्यांना कोरोनाची लागण होण्याचे प्रमाण वाढत असल्यामुळे हा प्रस्ताव समोर आला आहे. मात्र या प्रस्तावास अद्याप बेस्ट प्रशासनाने मंजूरी दिलेली नाही, असेही सांगण्यात आले. आत्तापर्यंत बेस्टमधील 236 कर्मचाऱ्यांचे विलगीकरण झाले आहे.