मुंबई : मुंबई अनलॉक करण्याची प्रक्रिया सुरु झाल्यापासून इमारतींमध्ये कोव्हिड रुग्ण वाढत आहेत. शहरातील 16 सोसायट्यांमध्ये 40 हून अधिक रुग्ण आढळले आहेत. गोरेगावमधील एका सोसायटीमध्ये तर, 110 रुग्ण आढळले आहेत. विशेष बाब म्हणजे इमारतीच्या एकाच घरात, मजल्यावर अथवा विंगमध्ये जास्त रुग्ण आढळत आहेत.
अनलॉक कालावधीत नोकरदार लहानमोठे व्यवसायिक प्रवास करत आहेत. या प्रवासात कोव्हिडची बाधा होऊन घरातील सदस्यांना संसर्ग होत असल्याची शक्यता वैद्यकिय कर्मचारी व्यक्त करत आहेत. महापालिका मुख्यालयातही असाच प्रकार पाहण्यास मिळत आहे. काही विभागातील कर्मचाऱ्यांना कोव्हिडची बाधा झाल्यानंतर त्यांच्यापासूूून कुटूंबातील सदस्यांना संसर्ग झाल्याचे प्रकार आढळल्याचे कर्मचाऱ्यांनी सांगितले आहे.
मुंबईत 24 जूलै रोजी 21 हजार 374 रुग्ण इमारतीतमध्ये आढळले आहेत. 19 जुलैरोजी 20 हजार 735 रुग्ण आढळले होते. आश्चर्य म्हणजे रुग्णांची संख्या वाढलेली असताना सिल इमारतींंची संख्या 6 हजार 235 वरुन 6 हजार 169 वर आल्याचे महापालिकेने जाहीर केले आहे. गोरेगाव येथील रहेजा सॉलिटरी या इमारतीत 110 रुग्ण आढळले असल्याची नोंद आहे. कांजूरमार्ग येथील एमएमआरडीए कॉम्पेक्समध्ये 85 रुग्ण आढळले आहेत. त्याखालोखाल ताडदेव येथील आओ साई एसआरएमध्ये 83 रुग्ण आढळले आहेत.
कोव्हिडग्रस्त इमारती
लालबाग येथील लालबागचा राजा गृहनिर्माण सोसायटीत 70 रुग्ण आढळले आहेत. माहिम फिशरमन कॉलनी आणि कोळीवाड्यात 73 तर, मुंबई सेंट्रल येथील नवजीवन सोसायटीत 60 रुग्णांची नोंद आहे. परेल येथील खापरी देवी सोसायटीत 46, अमेय सोसायटी लालबाग येथे 47, दाभोळकर वाडी एसआरएमध्ये 47, तर भोईवाडा येथील श्री बालाजी सोसायटीत 46 रुग्ण नोंदविण्यात आले आहे.
दोन इमारतीत 114 रुग्ण
गोवंडी येथील लल्लूभाई कंपाऊड मधील दोन इमारतींमध्ये 114 रुग्ण आढळले आहे. इमारत क्रमांक 13 ए मध्ये 61 आणि 12 नंबरमध्ये 53 रुग्ण आढळले आहेत. मानखुर्द महाराष्ट्रनगरमधील सिध्दिविनायक सोसायटीत 79 रुग्णांची नोंद झाली आहे. अंधेरी येथील लोटस छाया सोसायटीत 36 आणि अमन हिल मध्ये 66 रुग्णांची नोंद झाली आहे.
24 जूलैरोजी इमारतींमधील स्थिती
19 जूलैरोजी स्थिती
------------------------------------------------------------
Edited by Tushar Sonawane
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.