उल्हासनगर - उल्हासनगर परिसरात जिवंत किंवा मृत अर्भक फेकण्याच्या घटना घडत असतानाच अशी आणखी एक घटना समोर आली आहे. मंगळवारी (ता.3) अंबरनाथ शिवमंदिराच्या भिंतीजवळ एकेकाळी नदी असलेल्या; मात्र आता नाल्यात रूपांतर झालेल्या वालधुनीच्या प्रवाहात एका प्लास्टिक पिशवीत अर्भकाचा मृतदेह मिळाल्याने खळबळ उडाली आहे. हे अर्भक संपूर्णपणे कुजलेल्या स्थितीत आहे.
खासदार डॉ. श्रीकांत शिंदे यांच्या पुढाकाराने आयोजित करण्यात आलेल्या शिवमंदिराजवळील ऐतिहासिक अंबरनाथ फेस्टिव्हलची 1 फेब्रुवारी रोजी सांगता झाली. या फेस्टिव्हलचे गुणगान सर्वत्र सुरू असतानाच आज त्याच जागी या अर्भकाचा मृतदेह सापडला आहे. याबद्दल माहिती मिळताच शिवाजीनगर पोलिस ठाण्याचे वरिष्ठ पोलिस निरीक्षक मनजीतसिंग बग्गा यांनी त्वरित घटनास्थळी धाव घेतली.
हे अर्भक दोन ते अडीच महिन्यांचे असण्याची शक्यता वर्तविली जात आहे. त्याची अवस्था अत्यंत खराब असल्याने हे अर्भक मुलाचे की मुलीचे, ही ओळख पटवणे अशक्य झाल्याने त्याचे शवविच्छेदन करण्यासाठी ते उल्हासनगरातील शासकीय मध्यवर्ती रुग्णालयात पाठवण्यात आले आहे. याप्रकरणी अनोळखी पालकांविरुद्ध गुन्हा दाखल करून पोलिसांनी पुढील तपास सुरू केला आहे.
web title : The infants came flowing near the temple
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.