मुंबई : राज्यात तूर्तास आंतरजिल्हा प्रवासी वाहतूक सुरू करण्यात आलेली नाही. सर्व जिल्हाधिकारी आणि पोलिस यंत्रणेसोबत चर्चा करून याबाबत लवकरच निर्णय घेण्यात येईल, अशी माहिती परिवहन मंत्री अनिल परब यांनी दिली.
ही बातमी वाचली का? मुख्यमंत्री ठाकरेंची संपत्ती किती...तुम्हाला माहितीये का? वाचा ही बातमी...
मुंबईतील लोक कोरोना घेऊन येतील, अशी भीती राज्यातील विविध गावांच्या गावकऱ्यांमध्ये पसरली आहे. या भीतीतूनच मुंबईतून अन्य जिल्ह्यांमध्ये माणसे पाठवू नका आणि कोरोना पसरवून नका, अशा तक्रारी आमच्याकडे आल्या. त्यामुळे आंतरजिल्हा प्रवासी वाहतुकीवर नियोजन करून याबाबत आम्ही निर्णय घेऊ, असे आश्‍वासन परिवहन मंत्री अनिल परब यांनी दिले आहे. राज्यात लॉकडाऊनदरम्यान अनेक नागरिक आपले गाव, घरदार सोडून इतर जिल्ह्यांमध्ये अडकले आहेत. त्यांना परत आपापल्या गावी जाता यावे, यासाठी राज्य सरकार नियोजन करत आहेत. मुंबईत राज्यातील विविध जिल्ह्यांतील शेकडो नागरिक अडकले आहेत. त्यांना आपल्या गावी जाण्याची इच्छा आहे; मात्र मुंबईत कोरोनाचा संसर्ग वाढला आहे. त्यामुळे मुंबईत अडकलेले लोक गावात कोरोना घेऊन येतील, अशी भीती गावकऱ्यांमध्ये असल्याची माहिती अनिल परब यांनी दिली.
8 हजार जण इच्छितस्थळी
जे नागरिक परराज्यांच्या सीमेवर जाऊ इच्छित आहेत, त्यांना एसटी मोफत आहे. दोन दिवसांपासून सर्व लोक रस्त्याने चालत निघाले आहेत, त्यांना कालपासून आपल्या राज्याच्या सीमेवर सोडण्याचे काम एसटीने केले आहे. रविवारी एका दिवसात 250 ते 300 बसमार्फत जवळपास पाच हजार प्रवाशांना राज्याच्या सीमेवर सोडले. त्याचबरोबर तीन हजार प्रवाशांना आपल्या राज्याच्या सीमेवरून त्यांच्या जिल्ह्यांत सोडले आहे, असेही अनिल परब यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.