मुंबई : महाराष्ट्र एसटी वर्कर्स काँग्रेस (इंटक) संघंटनेचे माजी अध्यक्ष जयप्रकाश छाजेड यांच्या मृत्युनंतर संघंटनेच्या नेतृत्वावरून वाद निर्माण झाला आहे. छाजेड यांचा मुलगा आकाश छाजेड आणि सरचिटणीस मुकेश तिगोटे यांनी वेगवेगळे पत्र एसटी महामंडळ प्रशासनाला देऊन अधिकृत संघंटना आमचीच असा दावा केला,

दरम्यान छाजेड यांनी अधिकृत संघंटना कोणती हे ठरविण्याचे अधिकार औद्योगीक न्यायालयांना असल्याची तक्रार एसटी प्रशासनाकडे केल्याने इंटक संघंटनेला महामंडळाकडून मिळणाऱ्या सुविधा तुर्तास रद्द करण्यात आल्या आहे.

एसटी महामंडळात काम करणारी महाराष्ट्र एसटी वर्कर्स काँग्रेस (इंटक) संघंटनेचे तत्कालीन अध्यक्ष जयप्रकाश छाजेड यांच्या निधनानंतर संघंटनेत दोन गट पडले आहे. छाजेड यांचा मुलगा आकाश छाजेड यांनी संघंटनेचा नविन अध्यक्ष आपणच असून, तसे पत्र एसटी महामंडळाला दिले आहे.

तर सरचिटणीस मुकेश तिगोटे यांनी जयप्रकाश छाजेड यांना काढण्याचा ठरावा आधीच घेण्यात आल्याचे सांगितले होते. तिगोटे गटाने एसटी महामंडळाची दिशाभूल केल्याने एसटी महामंडळाने तिगोटे यांच्या गटाला महामंडळाच्या सुविधा देण्याचे परिपत्रक काढले होते.

त्यामूळे छाजेड यांनी कामगार आयुक्त आणि एसटी महामंडळ प्रशासनाकडे तक्रार केली होती. त्यावरून कामगार आयुक्तांनी कोणतीही मान्यता दिली नसल्याचे पत्र एसटी महामंडळाला दिले आहे.

त्यावरून आता एसटी महामंडळाने मुकेश तिगोटे यांच्या गटाच्या सुविधा काढून टाकण्याचे आदेश दिले असून अधिकृत कार्यकारीणीचा न्याय निवाडा येईपर्यंत महाराष्ट्र एसटी वर्कर्स काँग्रेस (इंटक) संघंटनेला कोणत्याही सवलती देण्यात येऊ नये असे आदेश देण्यात आले आहे.

महाराष्ट्र एसटी वर्कर्स काँग्रेस (इंटक) संघटना दिवंगत माजी आमदार जयप्रकाश छाजेड व सरचिटणीसदी ए लीपने पाटील यांनी स्थापन केली.परंतु काही पदाधिकाऱ्यांनी विरोधी भूमिका घेत स्वतःच्या स्वार्थासाठी संघटना फोडण्याचे काम केले. यापुढे महाराष्ट्र एसटी वर्कर्स काँग्रेस कामगारांच्या हितासाठी नवीन उभारी घेऊन कार्यरत राहू, एसटी महामंडळाच्या परिपत्रकामूळे सत्तेचा विजय झाला आणि डुप्लिकेट संघटनेला त्यांची जागा दाखवुन दिली.

- आकाश छाजेड