मुंबई : घाटकोपर (पश्चिम) येथील कातोडीपाडा परिसरात मलनिस्सारण वाहिनीच्या बांधकामानिमित्त उघड्यावर असलेल्या लोखंडी सळ्या डोळ्यात घुसल्याने दहावीचा विद्यार्थी गंभीर जखमी झाला आहे. ही घटना गुरुवारी (ता. ५) सायंकाळच्या सुमारास घडली.
विवेक आनंद घडशी (वय १५) असे जखमी तरुणाचे नाव असून तो सध्या दहावीची परीक्षा देत आहे. मराठीचा पहिला पेपर झाल्यानंतर शुक्रवारी हिंदी विषयाचा दुसरा पेपर होता. त्यानिमित्त विवेक गुरुवारी अभ्यासासाठी मित्राकडे सायकलने जात होता. कातोडीपाडा येथे मलनिस्सारण वाहिनीचे बांधकाम साहित्य उघड्यावर पडले आहे. रस्त्यावरील खडीवरून सायकल घसरल्याने विवेक उघड्यावरील लोखंडी सळ्यांवर पडला. या अपघातात विवेकच्या डोळ्याला जबर मार लागल्याने तो गंभीर जखमी झाला.
तातडीने त्याला नजीकच्या मुक्ताबाई रुग्णालयात दाखल करण्यात आले; मात्र त्याला पुढील उपचारासाठी केईएम रुग्णालयात हलवण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.