डोंबिवली : कल्याण-डोंबिवली महापालिका हद्दीत कोरोनाचा प्रसार झपाट्याने होत असून रुग्णांवर उपचारासाठी खाटा अपुऱ्या पडू लागल्या आहेत. तसेच प्राथमिक लक्षण आणि संशयित व्यक्तींना क्वारंटाईन होण्यासाठी लांब जावे लागत असल्याने आता वॉर्डनिहाय क्वारंटाईन सेंटरसाठी पालिकेने हालचाली सुरू केल्या आहे. 

मोठी बातमीः बाळासाहेब थोरात यांचा कोरोना चाचणीचा रिपोर्ट आला...

कोरोनाविरुद्धच्या लढाईत शहरातील विविध क्षेत्रातील व्यक्ती पुढे येत असून डोंबिवलीतील जोंधळे विद्यालयाची वास्तूही केडीएमसीकडे हस्तांतरीत करण्यात आली आहे. समर्थ समाज, जोंधळे विद्यासमूहाच्या संचालकांनी स. है. जोंधळे विद्यालयाची वास्तू कोव्हिड रुग्णांच्या सेवेसाठी उपलब्ध करून दिल्याने डोंबिवलीकरांना दिलासा मिळाला आहे. 

सिप्ला कंपनीने आणलं जगातील सर्वात स्वस्त रेमेडेसीविर जेनेरिक औषध! जाणून घ्या किंमत

जोंधळे विद्यालयात 49 खोल्या आणि एक मोठ्या सभागृहात कोरोना रुग्णांवर उपचार करण्यात येणार आहेत. या ठिकाणी सुमारे 150 ते 200 खाटा उपलब्ध करण्यात येणार असून यामुळे रुग्णांची खाटाअभावी होणारी परवड रोखता येणे शक्य होणार आहे. डोंबिवलीत खासगी तसेच पालिकेचे दवाखाने रुग्णांनी भरले आहेत. तर प्रतिदिन कोरोना रुग्णसंख्याही वाढत असून नव्या रुग्णांना उपचारासाठी वणवण फिरावे लागत आहे. त्यामुळे सामाजिक भान राखत समर्थ विद्यासमूहाचे संचालक आणि विश्वस्त सागर जोंधळे, देवेंद्र जोंधळे, वैशाली जोंधळे आदींनी पुढाकार घेत विद्यालय कोव्हिड रुग्णांना देण्याचा निर्णय घेतला. 

लॉकडाऊनचा सकारात्मक परिणाम; ठाणे जिल्ह्यातील कोरोना रुग्णांच्या संख्येत घट...​

विश्वस्तांकडून सहकार्याचा हात
एकीकडे अन्य काही ठिकाणी पालिका प्रशासन शाळा ताब्यात घेत असताना संबंधित शाळा प्रशासनांकडून विरोध होत असताना डोंबिवलीत मात्र शाळेच्या विश्वस्तांनीच स्वतःहुन सहकार्याचा हात पुढे केला आहे. पालिका प्रशासन आणि नागरिकांना दिलासा मिळावा यासाठी विद्यालयाची वास्तू केडीएमसीला हस्तांतरीत करण्यात आली असल्याचे सागर जोंधळे यांनी सांगितले. 

------

संपादन ः ऋषिराज तायडे