कल्याणमध्ये मुलाच्या आईसोबत झालेल्या वादातून एका सात वर्षांच्या मुलाचे अपहरण करून वॉचमेनने हत्या केल्याची घटना घडली आहे.

आरोपी नितीन कांबळे याने सोमवारी कल्याण शहरातील त्याच्या शाळेतून मुलाचे अपहरण केले, अशी माहिती खडकपारा पोलिस ठाण्याचे सहायक पोलिस निरीक्षक एसएस सुरवसे यांनी दिली.

मुलगा घरी न परतल्याने नातेवाइकांनी अज्ञातांविरुद्ध अपहरणाचा गुन्हा दाखल केला. पोलिसांनी शोध सुरू केला आणि एका निवासी संकुलाच्या जलतरण तलावात मुलाचा मृतदेह सापडला त्यानंतर पोलिसांनी खुनाचा गुन्हा दाखल केला.

या प्रकरणाच्या तपासादरम्यान पोलिसांना आरोपी आणि पीडितेच्या आईमध्ये प्रेमसंबंध असल्याची माहिती मिळाली. मृत मुलाची आई वॉचमेनला टाळू लागली, ज्यामुळे त्यांच्यात भांडण झाले.

आरोपीने बदला घेण्यासाठी मुलाचे अपहरण केले आणि ज्या गृहनिर्माण संकुलाच्या स्विमिंग पूलमध्ये तो पूर्वी काम करत असे तेथे त्याला बुडवून मारले, असे पोलिस अधिकाऱ्याने सांगितले. मृतदेह शवविच्छेदनासाठी शासकीय रुग्णालयात पाठवण्यात आला. तर आरोपीला अटक करण्यात आली.