मुंबई : कर्नाळा बॅंकेतील ठेवीदार, खातेदारांना आश्वासन देऊनसुद्धा पैसे मिळाले नाहीत. बॅंकेतील हक्काचे पैसे परत मिळावेत, यासाठी कर्नाळा बॅंक ठेवीदार संघर्ष समितीच्या माध्यमातून गुरुवारी (ता.13) सकाळी 10 वाजता पनवेल येथील कर्नाळा बॅंकेच्या मुख्य शाखेवर मोर्चा काढण्यात येणार आहे. या मोर्चामध्ये हजारो ठेवीदार सहभागी होणार आहे.
महत्वाची बातमी : प्रायोगिक नाट्यगृहाला आता मार्चअखेरचा मुहूर्त!
कर्नाळा बॅंकेत 513 कोटी रुपयांचा घोटाळा झाल्याचा आरोप होत आहे. बॅंकेचे अध्यक्ष व माजी आमदार विवेक पाटील हे ठेवीदारांना समाधानकारक उत्तरे देत नसल्याने हजारो कुटुंबीयांवर उपासमारीची वेळ आली आहे. ठेवीदारांना न्याय मिळावा, यासाठी माजी खासदार किरीट सोमैया यांच्या मार्गदर्शनाखाली आमदार प्रशांत ठाकूर, आमदार महेश बालदी यांनी कर्नाळा बॅंक ठेवीदार संघर्ष समिती कार्यरत केली आहे.
हेही वाचा : कपडे बदलण्याच्या खोलीत छुपा कॅमेरा!
या समितीच्या माध्यमातून पनवेल येथील कर्नाळा बॅंकेच्या मुख्य शाखेवर गुरुवारी (ता.12) सकाळी 10 वाजता भव्य मोर्चा काढण्यात येणार आहे. पनवेल भाजप मध्यवर्ती कार्यालय येथून या मोर्चाला सुरुवात होणार असून छत्रपती शिवाजी महाराज पुतळा, आद्य क्रांतिवीर वासुदेव बळवंत फडके नाट्यगृह, कर्मवीर भाऊराव पाटील पुतळा, भाजी मार्केट, शनेश्वर मंदिर टपाल नाका असे मार्गक्रमण करून कर्नाळा नागरी सहकार बॅंकेवर हा मोर्चा धडकणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.