नवी मुंबई : सानपाडा सेक्‍टर 5 येथून एका विवाहिता तिच्या बहिणीच्या सात वर्षीय मुलीला घेऊन बेपत्ता झाली आहे. या प्रकरणी पोलिस व नातेबाईक दोघींचा शोध घेत आहेत. सानपाडा पोलिसांनी या महिलेच्या विरोधात मुलीच्या अपहरणाचा गुन्हा दाखल केला आहे. 

ही बातमी वाचली का? काय आहे कुशलच्या आत्महत्येमागचं कारण?

रेश्‍मा पुजारी (वय 22 ) असे बेपत्ता विवाहितेचे नाव आहे. रेश्‍मा हि तीच्या मोठया बहिणीची मुलगी अनुष्का हिच्यासह 22 डिसेंबर रोजी अचानक बेपत्ता झाली आहे. रेश्‍मा पुजारी हिचा विवाह झाला असून ती मुंब्रा येथे पतीसह रहाण्यास होती. गत ऑक्‍टोबर महिन्यामध्ये ती बाळंतपणासाठी सानापाडा सेक्‍टर-5 येथे आई-वडीलांच्या घरी आली होती. रेश्‍माच्या मुलाचा मृत्यू झाल्यापासून ती आपल्या वडीलांच्याच घरी राहत आहे. 

ही बातमी वाचली का? दाऊदचा बर्थडे, डोंगरीमध्ये सेलिब्रेशन..

दरम्यान, रेश्‍माची मोठी बहिण सुकेशना हणवते ही देखील पती व आपल्या मुलांसह वडीलांच्या घरी रहाण्यास आहे. 22 डिसेंबर रोजी रात्री 9.30 वाजता रेश्‍मा अनुष्कासोबत घराबाहेर पडली होती. मात्र त्यानंतर दोघी रात्री उशीरापर्यंत घरी परतल्या नाहीत. त्यामुळे सकेशना हिने सानापाडा पोलीस ठाण्यात बहिण रेश्‍मा हिने मुलगी अनुष्काला पळवून नेल्याबाबतची तक्रार दाखल केली. त्यानुसार पोलिसांनी बेपत्ता रेश्‍मा हिच्यावर अपहरणाचा गुन्हा दाखल करुन तीचा शोध सुरु केला आहे.