मुंबई : लालबाग चा राजा सार्वजनिक गणेशोत्सव मंडळाने यंदाच्या गणेशोत्सवात आयोजित केलेल्या आरोग्योत्सवात प्लाझ्मादान शिबीर घेण्यात येणार आहे. तीन ते 31 ऑगस्ट दरम्यान आरोग्योत्सवात याखेरीज अन्य समाजोपयोगी कार्यक्रमही होणार आहेत.
लोकमान्य बाळ गंगाधर टिळक यांच्या स्मृतीशताब्दी वर्षानिमित्त आयोजित या प्लाझ्मादान शिबिराचे उद्घाटन ज्येष्ठ नेते शरद पवार यांच्याहस्ते तीन ऑगस्ट रोजी संध्याकाळी पाच वाजता होईल. तर प्लाझ्मादान नोंदणी तेव्हापासून ते 31 ऑगस्टपर्यंत सकाळी नऊ ते दुपारी बारा या वेळेत करता येईल. हे शिबीर के. ई. एम. रक्तपेढीच्या सहकार्याने राबवले जाईल. त्याखेरीज गलवान खोऱ्यात हुतात्मा झालेल्या 22 भारतीय सैन्यजवानांच्या कुटुंबियांना दोन लाख रुपये व सन्मानचिन्ह देऊन सत्कारही या आरोग्योत्सवात केला जाईल.
जनतेची सेवा करताना हुतात्मा झालेल्या पोलिस कोविड योद्ध्यांच्या कुटुंबियांनाही देखील एक लाख रुपये व सन्मानचिन्ह देऊन गौरविले जाईल. तर कोरोनाच्या फैलावात जनतेची सेवा करणाऱ्या विविध कोरोना योद्ध्यांचाही सन्मान केला जाईल. तसेच गणेशचतुर्थी दरम्यान 22 ते 31 ऑगस्ट या दहा दिवसांत सकाळी 10 ते संध्याकाळी पाच या वेळात रक्तदान शिबीरही आयोजित केले जाईल. ही माहिती मंडळाचे अध्यक्ष बाबासाहेब कांबळे यांनी पत्रकाद्वारे दिली आहे.
----------------------------------
संपादन - तुषार सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.