मुंबई : राज्यात मराठी राजभाषा दिन साजरा केला जात असताना गुरुवारी एसटी महामंडळाच्या मुख्यालयातील ग्रंथालय बंदच होते. आठवड्यातून दोन दिवस हे ग्रंथालय उघडले जाते, असे सांगण्यात आले. यासंदर्भात एसटी अधिकाऱ्यांनी बोलण्यास नकार दिला.
एसटी महामंडळाच्या मुंबई सेंट्रल येथील मुख्यालयातील पाचव्या मजल्यावर कर्मचाऱ्यांसाठी ग्रंथालयाची सोय करण्यात आली आहे. त्याची देखभाल-दुरुस्ती आणि व्यवस्थापनाची जबाबदारी कामगार विभागाकडे आहे. परंतु, काही वर्षांपासून हे ग्रंथालय सतत बंदच असल्याचे दिसून येते. या ग्रंथालयातील पुस्तके धूळ खात पडली आहेत. दरम्यान, परिवहन मंत्री अनिल परब यांनी मराठी भाषा गौरव दिनाच्या कार्यक्रमाचे आयोजनाचे आदेश दिले असतांना, मराठी पुस्तकांच्या ग्रंथालयाकडेच एसटीच्या व्यवस्थापनाचे दुर्लक्ष झाल्याचे स्पष्ट झाले आहे.
कर्मचाऱ्यांना वाचनाची सवय व्हावी, शासकीय कामकाजात मराठी भाषेचा जास्तीत जास्त वापर व्हावा, याच उद्देशाने एसटीच्या कल्याण निधीतून या ग्रथांलयाची निर्मीती केली होती. मात्र, हा उद्देश धुळखात पडला आहे. यासंदर्भात एसटीचे मुख्य कल्याण अधिकारी सतिश उजैनकर यांना विचारणा केली असता. दोन दिवस ग्रंथालयाला उघडले जात असल्याचे सांगून त्यांनी त्यापेक्षा जास्त माहिती देण्यास नकार दिला.
Library closed at ST Headquarters in mumbai
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.