मुंबई: उत्तर मुंबईचे भाजप खासदार गोपाळ शेट्टी हे 2010 मध्ये आमदार असताना त्यांनी उद्घाटन केलेले दहिसरचे लाईफलाईन रुग्णालय 2015 नंतर बंद पडले. आता कोरोनाच्या काळात तरी निदान ते सुरू करा, असे त्यांनी खडसावल्यानंतर आता महापालिकेने रुग्णालय सुरू करण्याचा निर्णय घेतला आहे.
दहिसरमध्ये महापालिकेने उभारलेले हे रुग्णालय एका स्वयंसेवी संस्थेला चालवण्यासाठी दिले होते. काही अटींचा भंग झाल्यामुळे ते महापालिकेने 2015 मध्ये परत घेतले. त्यानंतर ते सुरूच झाले नाही व लोकांची गैरसोय देखील वाढत गेली.
दरम्यानच्या काळात बोरिवलीचे भगवती रुग्णालय देखील धडपणे चालत नव्हते. त्यामुळे लाईफलाईन रुग्णालय सुरू करावे अशी मागणी स्थानिक नगरसेवक हरीश छेडा यांनीही महापालिकेकडे वारंवार केली होती. तरीही महापालिकेने त्याबाबत काही हालचाली न केल्यामुळे छेडा यांनी हे प्रकरण शेट्टी यांच्या निदर्शनास आणले.
आता कोरोना चा फैलाव मोठ्या प्रमाणावर झाल्याने महापालिकेने येथे कोरोना रुग्णालय सुरू करावे. अन्यथा महापालिकेने हे रुग्णालय स्वयंसेवी संस्थांना किंवा राजकीय पक्षांना चालविण्यास द्यावे. अन्यथा आपण हे रुग्णालय स्वयंसेवी संस्थांमार्फत चालवू अशी तयारी शेट्टी यांनी दर्शवली. त्यामुळे येथे सोमवारपासून ५० खाटांचे कोरोना रुग्णालय सुरू होत असल्याचे प्रभागाच्या सहाय्यक आयुक्तांनी शेट्टी यांना कळवले आहे.
lifeline hospital started in dahisar for corona patients
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.