भाईंदर : अनैतिक प्रेमसंबंधांच्या संशयातून प्रियकराने प्रेयसीवर धारदार हत्याराने (knife attack crime) वार केल्याची घटना भाईंदर जवळील राई गावात घडली आहे. भाईंदर पोलीसांनी (Bhayandar Police) आरोपीला ताब्यात घेतले आहे. पीडित तरुणी आणि आरोपी हे राई गावातील शिवनेरी परिसरात लिव्ह इन संबंधातून (Live in relationship) गेली दोन वर्षे एकत्र रहात आहेत. त्यांना एक वर्षाचे मूल देखील आहे.

मात्र प्रियकराला प्रेयसीवर तीचे अनैतिक प्रेमसंबंध असल्याचा संशय आला होता. त्या रागात प्रियकराने मंगळवारी पहाटे साडे तीनच्या सुमारास एका धारदार शस्त्राने तरुणीच्या गळ्यावर आणि हातावर वार केले. जखमी झालेल्या तरुणीने त्याच अवस्थेत भाईंदर पोलीस ठाणे गाठले. पोलीसांनी तीला तात्काळ रुग्णालयात दाखल केले. तरुणी गंभीर जखमी झाली असली तरी तिच्या प्रकृतीचा धोका टळला आहे. तरुणीने दिलेल्या तक्रारीवरुन पोलीसांनी आरोपीला ताब्यात घेतले आहे अशी माहिती वरिष्ठ पोलीस निरिक्षक एम. बी. पाटील यांनी दिली.