शहापूर : राष्ट्रवादी कॉंग्रेसचे अध्यक्ष शरद पवार वाऱ्याचा पाडा येथे ज्या झोपडीत बसून जेवले, त्या रामचंद्र खोडके यांच्या आदिवासी गरीब कुटुंबाला जिजाऊ शैक्षणिक व सामाजिक संस्थेच्या वतीने घर बांधून दिले जात आहे. त्यानुसार दुसऱ्याच दिवशी घराच्या बांधकामाला सुरुवात झाली आहे.

ही बातमी वाचली का.. ठाण्यातील आदिवासीला `छप्पर फाड के` लॉटरी!

राष्ट्रवादी कॉंग्रेसचे अध्यक्ष शरद पवार आणि राज्यमंत्री जितेंद्र आव्हाड आणि इतर नेते सोमवारी शहापूरनजीक असलेल्या वाऱ्याचा पाडा येथील रामचंद्र खोडके यांच्या झोपडीत थांबून जेवले होते. त्याच झोपडीचा जिजाऊ सामाजिक संस्थेच्या माध्यमातून कायापालट होणार आहे. जिजाऊ शैक्षणिक व सामाजिक संस्थेच्या नीलेश सांबरे, बबन दादा हरणे, हरेश पष्टे यांनी पुढाकार घेऊन हे घर बांधण्याचे जाहीर केले होते. शरद पवार यांच्यासमोर दिलेल्या वचनाची तत्काळ पूर्तता करणे दुसऱ्या दिवसापासूनच सुरू झाले आहे. खोडके यांच्या घराच्या बांधकामासाठी साहित्य आले असून घरासाठीचे खड्डेही खणून झाले आहेत. 

महत्वाची बातमी निसर्गरम्य काशिदमध्ये याची आहे दहशत

फेब्रुवारीतच बांधकाम पूर्ण होणार 
रामचंद्र खोडके आणि पत्नी कमळ यांचा मुलगा इयत्ता दहावीत; तर मुलगी इयत्ता सातवीमध्ये शिकत आहे. मोलमजुरीवर अवलंबून असलेल्या या कुटुंबाचे कुडाचे चंद्रमौळी घर आहे. त्यांना कधी वाटलेही नसेल की, आपण कधी पक्‍क्‍या घरात राहायला जाऊ. घर बांधण्याचे काम सुरू असून फेब्रुवारी महिन्यात बांधकाम पूर्ण झालेले असेल, असे जिजाऊ संस्थेच्या वतीने सांगण्यात आले.

"Lottery to the house of that 'tribal couple."