मुंबई : प्रियकराने व्हाट्स नंबर ब्लॉक केल्याचा राग आल्यामुळे दहिसर भागात एका 20 वर्षीय महिलेनं आपल्या प्रियकराच्याचं घरी गळफास घेऊन आत्महत्या केली. सोमवारी (16 मे)ही घटना समोर आली आहे. बोरीवली रेल्वे पोलीसांनी अपघाती मृत्यूचा गुन्हा दाखल केला आहे. व्हाट्स एप नंबर ब्लॉक केल्यावरुन तीचा आणि प्रियकराचा वाद झाला. त्यानंतर या महिलेनं गळफास घेऊन आत्महत्या केल्याचे पोलीस अधिकाऱ्यांनी सांगीतले.

प्रणाली लोकरे असं या आत्महत्या केलेल्या महिलेचे नाव आहे. सोमवारी सकाळी ती गळफास घेतलेल्या अवस्थेत सापडली. तिच्या प्रीयकराचे वय 27 वर्षे असून, दोघेही गेल्या सहा महिन्यापासून एकमेकाना ओळखतात. रविवारी दोघे एका लग्न समारंभात एकत्र गेले होते. त्या रात्री या महिलेला प्रियकराच्या घरी राहायचे होते. मात्र प्रियकराने नकार दिला. वांरवार विनंती केल्यामुळे तीचा मोबाईल नंबर ब्लॉक केला.त्यानंतर ही महिला त्याच्या घरी पोहोचली. वादावादी झाल्यानंतर प्रियकराच्या घरी तीने मुक्काम केला. रात्री तीने गळफास घेतला असं पोलीसांनी सांगीतले.