मुंबई : मुंबईवर कोरोनाचे सावट गडद होत असताना कोरोनाच्या नियंत्रणासाठी प्रशासनाकडून विविध पातळीवर प्रयत्न सुरु आहे. आरोग्य आणि पोलिसदलातील कर्मचारी जीवाची बाजी लावून काम करत आहे. त्यासोबतच इतर अत्यावश्यक सेवेतील कर्मचारीही त्यांच्या खांद्याला खांदा लावून काम करत आहे. एखाद्या परिसरात कोरोनाचा रुग्ण आढळल्यानंतर त्या परिसरात निर्जंतुकीकरण करणे अत्यावश्यक असते. त्यासाठी पालिकेकडून अग्निशमन दलातील जवानांची मदत घेतली जाते.  

मोठी बातमी ः अनिल परब यांनी केली फडणवीसांच्या आकडेवारीची पोलखोल

अग्निशमन दलातील जवानांनाकडून कंटेन्मेंट झोनमध्ये नियमित निर्जंतुकीकरण केले जाते. त्याशिवाय ज्या इमारतीत रुग्ण आढळला आहे, त्यासंपूर्ण इमारतीचेही निर्जंतुकीकरण केले जाते. कंटेन्मेंट झोनमध्ये सुरू असलेली हीच फवारणी जवानांच्या जिवावर बेतत असल्याचे दिसून येत आहे. 

मोठी बातमी - राज्यपालांनी जारी केली अधिसूचना..'या'लोकांना होणार फायदा.. 

अत्यावश्यक सेवा देणाऱ्या बेस्ट उपक्रमातील 11 कामगारांचे आतापर्यंत कोरोनामुळे निधन झाले आहे. अत्यावश्यक सेवा देणाऱ्या अग्निशमन दलातील 35 जवानांनाही कोरोनाची बाधा झाली आहे. गवालिया टॅंक येथील एका जवानाचा कोरोनामुळे मृत्यू झाला. त्यामुळे 34 अग्निशमन केंद्रांत भीतीचे वातावरण निर्माण झाले आहे. कोरोना रुग्णांच्या संपर्कात आल्यामुळे काही जवानांना क्वारंटाईन करण्यात आले आहे. कंटेन्मेंट झोनमध्ये जंतूनाशक फवारणी करणे जवानांच्या जिवावर बेतत असल्याचे बोलले जात आहे. 

मोठी बातमी ः कोरोना रुग्णांची सेवा करणारे निवासी 'डॉक्टर' विद्यावेतनावरुन नाराज

मुंबईत सुमारे 2500 कंटेन्मेंट झोन (आता 644 सामूहिक) आहेत. सर्वाधिक कंटेन्मेंट झोन धारावी परिसरात आहेत. तेथे जंतूनाशक फवारणी करताना अनेक जवानांना कोरोनाची लागण झाल्याचे समजते. दरम्यान, भायखळा येथील मुख्य अग्निशमन केंद्रातील क्वारंटाईन केंद्रात बाधित जवानांसाठी 30 खाटांची व्यवस्था करण्यात आल्याची माहिती मुख्य अधिकारी प्रभात रहांगळे यांनी दिली.