ठाणे : ठाणे जिल्हा सामान्य रुग्णालय म्हटले कि, अनेक जण या नाक मुरडत असतात. मात्र, कोरोनाच्या महामारीत याच रुग्णालयात उपचार घेण्यासाठी येणाऱ्या रुग्णांची संख्या अधिक असून यामध्ये गोरगरीब रुग्णांसह मराठी अभिनेत्याचा देखील समावेश आहे. त्यात ठाणे जिल्हा सामान्य रुग्णालयात बिग बॉस मराठी 2 फेम अभिनेता कोरोनावर उपचार घेत असल्याची बाब समोर आली आहे. त्यामुळे आता, जिल्हा सामान्य रुग्णालयाकडे बघून नाके मुरडणाऱ्या नागरिकांसाठी हे रुग्णालय वरदान ठरू लागले आहे.
कोरोना विषाणूचं संक्रमण दिवसेंदिवस वाढत असल्याचे दिसून येत आहे. सामान्यांपासून ते सेलिब्रिटींपर्यंत अनेकांना करोनाची लागण झाल्याचे दिसून आले आहे. अभिनेता सुबोध भावे आणि त्याच्या कुटुंबाला करोनाची लागण झाल्याचे समोर आल्यानंतर आता बिग बॉस मराठी 2 फेम अभिनेता अभिजीत केळकर यांना देखील कोरोनाची लागण झाली आहे. या संदर्भातील माहिती अभिजीत यांनी सोशल मीडियावर एक पोस्ट शेअर करत दिली. तसेच अभिजित केळकर हे ठाणे जिल्हा सामान्य रुग्णालयात उपचार घेत असल्याची माहिती समोर आली आहे.
केळकर यांना कोरोनाची कोणतीही लक्षणे नसून केवळ त्यांचा कोरोनाचा अहवाल पॉझिटिव्ह आला होता. त्यामुळे त्यांना उपचारार्थ जिल्हा रुग्णालयात दाखल करण्यात आले आहे. केळकर यांना इतर रुग्णांमध्ये न ठेवता, त्यांना प्रिफॅब्रिकेटेड पोर्टेबल कंटेनरमध्ये ठेवण्यात आले आहे. जिल्हा रुग्णालयात गोरगरीब रुग्णच नाही तर, सिने अभिनेते देखील उपचारार्थ दाखल होण्यासाठी जिल्हा रुग्णालयाला पसंती देत असल्याने आता, जिल्हा सामान्य रुग्णालय नाके मुरडणाऱ्या नागरिकांनाही आपलेसे वाटू लागले आहे. या संदर्भात जिल्हा रुग्णालय प्रशासनास विचारले असता, रुग्णालय प्रशासनाने देखील या वृत्ताला दुजोरा दिला असून अभिजित केळकर यांची प्रकृती उत्तम असल्याची माहिती रुग्णालय प्रशासनाने दिली.
-----------------------------
(संपादन : गोरक्षनाथ ठाकरे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.