ठाणे : मुंबई-ठाणे पाठोपाठ कल्याण-डोंबिवली महापालिका हद्दीतील दुकाने बुधवारपासून दररोज खुली ठेवण्याचे आदेश व्यापाऱ्यांना प्राप्त झाले. त्यानुसार बुधवारी सकाळी व्यापाऱ्यांनी मोठ्या उत्साहात दुकाने खुली केली, परंतु पहिल्याच दिवशी ग्राहकांचा प्रतिसाह काहीसा कमीच दिसून आला. गणेशोत्सवास अवघे दोन दिवस राहिल्याने शेवटच्या दिवसात बाजारात गर्दी होईल असे चित्र होते, परंतु कोरोनाचे सावट अद्यापही कायम असल्याने बाजारपेठांमध्ये ग्राहक बिचकत बिचकतच पाऊल ठेवत असल्याचे दिसून आले.

पार्थ पवारांच्या 'सत्यमेव जयते' ट्विटवर रोहित पवारांची प्रतिक्रिया, म्हणतात पार्थ यांनी....

ठाणे पाठोपाठ कल्याण-डोंबिवली महापालिका आयुक्तांनीही महापालिका हद्दीतील दुकाने दररोज सकाळी 9 ते सायंकाळी 7 या वेळेत खुली ठेवण्याचे आदेश मंगळवारी जाहीर केले. सण उत्सवांच्या काळात दुकाने दररोज खुली ठेवण्याविषयी व्यापारी वर्गाकडून सातत्याने पालिका प्रशासनाकडे मागणी केली जात होती. आयुक्तांच्या निर्णयामुळे व्यापारी वर्गात उत्साहाचे वातावरण दिसत असले तरी, ग्राहकांची संख्या रोडावल्याने त्यांचा उत्साह एका दिवसातच मावळल्याचे चित्र बुधवारी दिसून आले. कोरोनाचे सावट त्यात पावसाचीही रिपरिप सुरु असल्याने बुधवारी सकाळी बाजारात गर्दी दिसली नाही. 

तबलिगी जमात प्रकरण: मुंबईतल्या 'या' चार ठिकाणी ईडीकडून छापेमारी सुरु

कल्याणमधील शिवाजी चौक, स्टेशन परिसर, डोंबिवलीतील फडके रोड, स्टेशन परिसर, दिनदयाळ रोड, सुभाष रोड आदी परिसरातील दुकाने गणेशोत्सवानिमित्त सज्ज झाली आहेत. सजावटीचे साहित्य, पूजेचे साहित्य खरेदी करण्यासाठी ग्राहकांची येथील दुकानात नेहमीच झुंबड उडते. गणेशोत्सवाच्या पार्श्वभूमीवर दुकाने खुली झाली असली, तरी ग्राहक बिचकतच दुकानात पाऊल ठेवत होते. एकमेकांपासून सामाजिक अंतर दुकानात राखण्याचा प्रयत्न करताना दिसले.

CBI सर्वात आधी 'या' गोष्टी घेणार स्वतःच्या ताब्यात, आजच किंवा उद्या CBI ची टीम मुंबईत होणार दाखल

एकीकडे या दुकानांत ग्राहकांची गर्दी तुरळक दिसत असली तरी, भाजी, मच्छी मार्केट परिसरात मात्र ग्राहकांची गर्दी दररोज होत असून येथे सोशल डिस्टन्सिंगचे कोणतेही पालन होताना दिसत नाही.
---
संपादन : ऋषिराज तायडे