मुंबई : कोरोना संसर्गामुळे सर्वाधिक प्रभावित क्षेत्र ठरलेल्या वरळी, बीडीडी चाळ, लोअर परळ आणि करी रोड परिसरात पालिकेने मोबाईल डिस्पेनसरी व्हॅन सुरू केली आहे. या मोबाईल डिस्पेनसिंग व्हॅन च्या साहाय्याने डॉक्टर घराघरात जाऊन लोकांची तपासणी करत आहेत. वाढता कोरोना संसर्ग रोखण्यासाठी मोबाईल डिस्पेनसरी व्हॅन सुरू करण्याचा निर्णय घेण्यात आला आहे.

मोठी बातमी : उद्धव ठाकरेंना द्यावा लागू शकतो राजीनामा, 172 आमदारांच्या पाठिंब्याने पुन्हा करणार सत्ता स्थापनेचा दावा?

मोबाईल डिस्पेनसरी व्हॅनच्या माध्यमातून कोरोना प्रभावित परिसर पिंजून काढण्यास सुरुवात करण्यात आली आहे. लोकांना तपासणी नंतर गोळ्या औषध देऊन त्यांचा इलाज करण्यात येत आहे. तसेच एखाद्याला कोरोना सदृश्य लक्षणे दिसताच त्याला रुग्णालयात दाखल करण्यात येत आहे. परीसरातील अनेक लोक या मोबाईल डिस्पेनसरीचा लाभ घेत आहेत. दाटीवाटीच्या परिसरात जाऊन तेथील कोरोना संशयितांना शोधून काढण्याचा प्रयत्न या माध्यमातून करण्यात येत आहे. वरळी-प्रभादेवी हा परिसर सर्वाधिक प्रभावित परिसर असल्याने येथील संसर्ग वाढीची शृंखला खंडित करण्याचा प्रयत्न करण्यात येत आहे. 

नक्की वाचा : “बरं ते जॅकेट कायमचं उतरलं, की हा ‘लॉकडाउन लूक" आहे ?”

इतर परिसरातही लवकरच सेवा
महापौर किशोरी पेडणेकर यांच्या उपस्थितीत एनएससीआय क्लब मध्ये या उपक्रमाला सुरुवात करण्यात आली. जी दक्षिण वॉर्ड मध्ये अशा प्रकारे पाच मोबाईल डिस्पेनसिंग व्हॅन सुरु करण्यात आल्या आहेत. कोरोना बाधित रुग्ण अधिक असलेल्या वरळी - प्रभादेवी परिसरात ही सेवा सुरू करण्यात आली. टप्प्याटप्प्याने इतर परिसरात देखील ही सेवा देण्यात येईल. संपूर्ण मुंबईत अशा प्रकारची सेवा सुरू करण्याचा विचार असल्याचे ही महापौर किशोरी पेडणेकर यांनी सांगितले.

 Mobile dispensary van to search for Corona suspects