मुंबई :  मुंबईत कोरोना रुग्णांनी रविवारी उच्चांक गाठला. मुंबईत नव्या 1571 रुग्णांची भर पडल्याने बाधितांचा आकडा 19,967 वर पोहोचला आहे. रविवारी 38 रुग्णांचा मृत्यू झाला असून मृतांचा आकडा 734 वर पोहोचला आहे. दगावलेल्या 38 जणांपैकी 13 जणांचा मृत्यू हा 8 ते 15 एप्रिल दरम्यान झाले आहेत.  

हे ही वाचा : एका ट्विटमुळे रेल्वेनं रुग्णासाठी मुंबईहून घरपोच पाठवली 'ही' गोष्ट.. सोलापूरचा कर्करुग्ण गेला भारावून 

रविवारी सापडलेल्या एकूण रुग्णांपैकी 590 रुग्ण आठवड्यापूर्वीचे आहेत; तर 981 रुग्ण आज सापडले आहेत. आजच्या 38 मृतांपैकी 23 जणांना दीर्घकालीन आजार होते. त्यात 28 पुरुष तर 10 महिला आहेत. मृत झालेल्या रुग्णांपैकी तिघे 40हून कमी वयाचे होते. 20 रुग्ण 60 वयापुढील होते. उर्वरित 15 रुग्ण 40 ते 60 वयोगटातील होते. मुंबईतील संशयित रुग्णांमध्येही वाढ झाली असून आज एकूण 678 नवे संशयित रुग्ण सापडले.

नक्की वाचा : 'बायको-मुलांसमोर दारू पिऊ कशी ?' घरपोच दारूचा पर्याय मिळाला मात्र  मद्यप्रेमींची घालमेल सुरू.. 

आतापर्यंत 19,350 संशयित रुग्णांना रुग्णालयात दाखल केले आहे. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्याही वाढत आहे. आज 206 रुग्ण बरे झाले असून आतापर्यंत 5012 रुग्णांना घरी सोडण्यात आले.

In Mumbai alone, 1500 new corona positive are in a day read in detail