मुंबई .5 : मुकेश अंबानी यांच्या 'अँटिलिया' निवासस्थानाजवळ स्फोटक पदार्थांसह सापडलेल्या गाडीच्या प्रकरणाचा आणि ठाणे येथील घटनेचा तपास महाराष्ट्र पोलिसांच्या दहशतवाद विरोधी पथकाकडे (एटीएस) सोपवण्यात येत असल्याची माहिती गृहमंत्री अनिल देशमुख यांनी आज  दिली.

महत्त्वाची बातमी : मनसुख हिरेन मृत्यूनंतर सचिन वाझे यांची पहिली प्रतिक्रिया 
 

गृहमंत्री देशमुख म्हणाले, "मुकेश अंबानी यांच्या 'अँटिलिया' निवासस्थानाजवळ स्फोटक पदार्थ सापडलेली स्काॅर्पिओ गाडी मनसुख हिरेन यांच्या ताब्यात होती. आज रेतीबंदर या ठिकणी मनसुख  हिरेन यांचा मृतदेह सापडला. अंगावर कोणत्याही खुणा नाहीत. ठाणे पोलिस त्याची चौकशी करत आहेत. शवविच्छेदन अहवालात सर्व बाबी स्पष्ट होतील. महाराष्ट्र पोलिस, मुंबई तसेच ठाणे पोलीस या प्रकरणाची तपासणी करण्यासाठी सक्षम आहेत, असेही देशमुख म्हणाले.

महत्त्वाची बातमी : अँटिलीया स्फोटके प्रकरण : स्कॉर्पियो कार मालक मनसुख हिरेन यांचा संशयास्पद मृत्यू, मृतदेह आढळला खाडीत
 

विरोधी पक्षाने या प्रकरणात राष्ट्रीय तपास यंत्रणेमार्फत (एनआयए) चौकशी करण्यासाठी राज्य शासनाने शिफारस करावी अशी मागणी विधानसभेत केली होती. या प्रकरणाचा तपास करण्यास महाराष्ट्र पोलिस यंत्रणा सक्षम आहे. त्यामुळे हा तपास महाराष्ट्र पोलिसच्या 'एटीएस'कडून करण्यात येईल. तसेच या प्रकरणात जो कोणी दोषी असेल त्याच्यावर कडक कारवाई करण्यात येईल असे ही गृहमंत्री अनिल देशमुख यांनी सांगितले.

mumbai antilia bomb scare further investigation will be done by anti terrorist squad