मुंबई - भाजपाने निवडणुकीची तयारी आतापासूनच सुरूवात केली असून भाजपा खासदार निवडणुकीच्या कामाला लागले आहेत. मतदार संघातील अपूर्ण कामे पूर्ण करा, झपाट्याने विकास कामे करा असे आदेश खासदारांना दिले आहेत. पंतप्रधान नरेंद्र मोदी यांच्या सरकारची कामे लोकांपर्यंत पोचवा अशा सूचनाही केल्या आहेत.

खासदार गोपाळ शेट्टी आणि खासदार मनोज कोटक यांनी विकास कामे करण्यावर भर दिला आहे. विविध विकास प्राधिकरणे यांच्याशी संपर्क साधून, त्यांच्याशी समन्वय साधून कामाचा पाठपुरावा सुरू आहे. २०२४ पूर्वी सर्व कामे पूर्ण करण्याचे आदेश दिले आहेत. त्यानुसार कामाचा धडाका लावला आहे. विशेषतः विकास कामांवर भर देण्यात येत आहे.

रस्त्याच्या कामावरही भर देण्यात येत आहेत. वर्षानुवर्षे दुर्लक्षित राहिलेल्या विक्रोळी, नाहूर आणि विद्याविहार या रेल्वे स्थानकांचा विकास करण्यात येणार आहे. रेल्वे स्थानक येथील पुलांच्या गर्डरची कामे मार्गी लावली जात आहेत.

विकास कामे झपाट्याने कामे सुरू आहेत अशी माहिती ईशान्य मुंबईची खासदार मनोज कोटक यांनी दिली. मतदार संघाचा चेहरा मोहरा बदलावा यासाठी खासदार काय करीत आहेत. त्याचा आऱाखडा तयार करण्याचे आदेश दिले आहेत. बहुतेक खासदार निवडणुकीच्या तयारीला लागले आहेत.