मुंबई ः मुंबईतील कोरोनाच्या हॉटस्पॉट ठरलेल्या अतिगंभीर क्षेत्राची संख्या कमी झाली असून ती सातवरुन पाच करण्यात आली आहे. मुंबई महापालिकेने हॉटस्पॉटचे निकष बदलल्याने हॉटस्पॉटची संख्या कमी झाली आहे. नव्या निकषानुसार हॉटस्पॉटची संख्या 7 वरून 5 वर झाली आहे. तर, गंभीर स्थिती असलेल्या विभागांची संख्या 8 वर गेली आहे. 

महत्वाची बातमी ः धक्कादायक ! भारतीय वटवाघुळांमध्येही सापडले कोरोना विषाणू...

या पूर्वी 50 च्यावर रुग्ण असलेला विभाग अतिगंभीर विभाग समजला जात होता. आता मात्र  रूग्णांची संख्या 85 च्या वर गेल्यास तो विभाग अतिगंभीर समजला जाईल. तसेच पूर्वी ३० ते ५० रूग्णसंख्या असलेल्या विभागास गंभीर समजले जात होते. पण आता 50 ते 84 असा नवा निकष लागू केला आहे. 
 
मुंबईतील हॉटस्पॉट असलेला परिसर आणि रुग्णसंख्या

• जी साऊथ -  वरळी, प्रभादेवी, लोअर परळ - अतिगंभीर - 360
• ई वॉर्ड - भायखळा,  भायखळा फायर ब्रिगेडच्या आसपासचा भाग - अतिगंभीर -135
• डी वॉर्ड - नाना चौक ते मलबार हिल परिसर - अतिगंभीर - 130
• एम ईस्ट - गोवंडी, मानखुर्द परिसर - अतिगंभीर -  95
• एच इस्ट - वांद्रे पूर्व भाग, वाकोला परिसर, कलानगर ते सांताक्रुझ - अतिगंभीर  -  96

हे वाचा ः घरातील जेष्ठांची अत्यंत काळजी घ्या! वाचा, काय माहिती आली समोर?

पालिकेकडून दररोज कोरोना रुग्णांची आकडेवारी दर्शवणारा एक आराखडा दिला जातो. त्यात निळ्या रंगात कोरोना हॉटस्पॉट दर्शवले जातात. त्यानुसार, निळ्या रंगात असणारी माहिती कमी दाखवण्यात आली आहे. त्यानुसार, हे हॉटस्पॉट 7 वरुन  5 करण्यात आले आहेत.