मुंबई, ता. 30 : सिगारेट शिलगावण्यासाठी वापरण्यात येणाऱ्या पिस्तुलाच्या आकारातील लायटरचा वापर करून एकाने दुकानातून 85 हजार रुपयांचा मोबाईल चोरी केल्याची घटना अंधेरीत घडली. या प्रकरणी ओशिवरा पोलिसांनी एका व्यायाम प्रशिक्षकाला अटक केली आहे.
23 वर्षीय दानिश जमिल खान असे अटकेतील आरोपीचे नाव आहे. दानिशचे वडील चित्रपट सहदिग्दर्शक म्हणून काम करतात. गेले अनेक दिवस दानिश आयफोन वापरत होता. तो जुना झाल्याने आणि तितक्याच किमतीचा मोबाईल विकत घेणे परवडणारे नसल्याने त्याने काही तरी शक्कल लढवण्याचे ठरवले. यासाठी त्याने घरात ठेवलेल्या पिस्तुलाच्या आकारातील लायटर उचलले आणि तो मोबाईलच्या दुकानात शिरला.
महत्त्वाची बातमी : शिवसेना घेणार पंतप्रधान नरेंद्र मोदी यांची भेट, भेटीचं कारण आहे अत्यंत महत्त्वाचं
मोबाईल खरेदीच्या बहाण्याने गुरुवारी सायंकाळी महागड्या मोबाईलच्या दुकानात शिरला. त्यानंतर काही क्षणांत त्याने दुकानदारावर बनावट पिस्तुल रोखले. या साऱ्या प्रकाराने दुकानदार आधी भयभीत झाला. तसे दानिशने त्याच्याकडे महागड्या मोबाईलची मागणी केली. त्यावर दुकानदाराने मोबाईल दानिशच्या हाती सोपविला. तो घेऊन दानिशने तेथून पळ काढला.
या सगळ्या प्रकारानंतर दुकानदाराने तातडीने ओशिवरा पोलिस ठाण्यात फिर्याद दिली. त्यावर पोलिसांनी गुन्हा नोंदवून दुकानातील सीसीटीव्ही कॅमेरे तपासले आणि आरोपीची ओळख पटवली. त्यानंतर शुक्रवारी सकाळी ओशिवरा पोलिसांनी दानिशला अटक केली. या प्रकरणी त्याला शनिवारी न्यायालयात हजर केले जाणार आहे.
महत्त्वाची बातमी : मुंबईकरांनो उद्या तिन्ही मार्गांवर मेगाब्लॉक, जाणून घ्या वेळा आणि रेल्वेने केलेल्या पर्यायी सुविधा
mumbai crime news 23 years oid danish arrested for stealing from andheri mumbai
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.