Mumbai Crime : मुंबईत विद्यार्थी शिक्षक नात्याला काळीमा फासण्याची धक्कादायक घटना समोर आली आहे.

हेही वाचा : प्राप्तिकर उत्पन्न सवलत मर्यादा वाढणार?

प्राचार्यांकडून अल्पवयीन विद्यार्थिनीला केबिनमध्ये बोलवून बलात्कार केल्याची घटना उघडकील आली आहे. मुंबईतील नागपाडा भागात हा धक्कादाक प्रकार उघडकीस आला आहे.

या प्रकरणी पोलिसांनी आयपीसी आणि पॉक्सो कायद्याच्या विविध कलमांतर्गत गुन्हा दाखल करण्यात आला आहे. अल्पवयीन मुलीवर अत्याचार करणारा प्राचार्य फरार असून, पोलीस तपास करत आहेत.

याबाबत अधिक माहिती अशी की, अल्पवयीन मुलीला मुख्याध्यापक त्याच्या कॅबिनमध्ये बोलावून तिच्याशी मागील अनेक महिन्यांपासून अश्लील चाळे करत होता, असे पीडितेने तक्रारीत नमुद केले आहे.

याबाबत कुणाला सांगितल्यास पीडित मुलगी तिच्या मित्रासोबत फिरत असल्याची माहिती घरातल्यांना सांगण्याची धमकी मुख्यध्यापक देत असे.

दरम्यान, प्राचार्याच्या या त्रासाला कंटाळून पीडितेने संबंधित प्रकार घरच्यांना सांगितला. त्यानंतर हा धक्कादायकप्रकार समोर आला आहे. याप्रकरणी पोलिसांनी मुख्यध्यापक अजुंम खान (५५) विरोधात कलम 376(2)एफ, 376(3), 354,506 भादवि सह कलम 4,8,12 पोक्सो अंतर्गत गुन्हा दाखल केला आहे.