मुंबई : कोरोना व्हायरसनं महाराष्ट्रात थैमान घातलं आहे. त्यातच कोरोनाबाधितांचा सर्वाधिक आकडा मुंबईत आहे. देशाचा कोरोनाबाधितांची संख्या पाहिल्यावर लक्षात येतं की, सर्वाधिक रुग्ण महाराष्ट्रात आहेत आणि त्यानंतर राज्यातला आकडा पाहिल्यावर मुंबईत कोरोनाबाधितांची संख्या जास्त आहे. कोरोनाला रोखण्यासाठी राज्य सरकारकडून विविध पातळीवर प्रयत्न केले जात आहे. त्यातच रुग्णाच्या संख्येवर नियंत्रण मिळवण्यासाठी सरकारकडे मोठं आव्हान असताना आणखी एक धक्कादायक माहिती समोर आली आहे. मुंबईत सर्वाधिक कोरोना रुग्ण हे जी उत्तर वॉर्डमध्ये आहेत. या वॉर्डमध्ये धारावी परिसराचा भाग येतो.
समोर आलेल्या माहितीनुसार, धारावीसह जी उत्तर प्रभागात रुग्णसंख्येनं 3 हजारांचा आकडा पार केला. जी उत्तर मध्ये 3065 रुग्ण तर कुर्ला मध्ये त्याखालोखाल 2668 रुग्णांची संख्या आहे. 9 प्रभागात 2000 पेक्षा अधिक रुग्ण आढळलेत.
आशिया खंडातील सर्वात मोठी झोपडपट्टी अशी ओळख असलेली धारावी आता कोरोनाचा हॉटस्पॉट बनली आहे. धारावीत कोरोनाने कहर केला आहे. मुंबईतल्या धारावीमध्ये कोरोना व्हायरसची लागण झालेल्या रुग्णांच्या संख्येत दिवसेंदिवस वाढ होताना दिसतेय. धारावीतल्या हॉटस्पॉटमध्ये हजारो लोकांची तपासणी करण्यात येतेय, अनेकांना क्वारंटाईन करण्यात येतंय. कोरोनाचा प्रादुर्भाव वाढल्याने सध्या धारावी परिसर सील करण्यात आला आहे. या परिसरातील लॉकडाऊनची अंमलबजावणी करण्यासाठी पोलिस कर्मचारी अहोरात्र परिश्रम घेत आहेत.
धारावीत कोविड- 19 विशेष रुग्णालय
धारावीतल्या महाराष्ट्र नेचर पार्कजवळ ऑक्सिजन सुविधायुक्त 200 खाटांचं कोरोना रुग्णालय उभारण्यात आलं आहे. अवघ्या 15 दिवसांत हे रुग्णालय उभे करण्यात आलं आहे. त्यामुळे या भागातील रुग्णांना आहे तेथेच उपचाराची सुविधा मिळणार उपलब्ध होणार आहे. या रुग्णालयासाठी 10 डॉक्टर्स, 15 नर्स, वॉर्डबॉय तसंच पूर्णवेळ रुग्णवाहिका देखील उपलब्ध करून देण्यात आली आहे. या रुग्णालयात CCTV कॅमेरे देखील बसविण्यात आलेत. तसंच थर्मल सेंसर यंत्रणा देखील असून त्याद्वारे तापाच्या रुग्णांची वेळीच तपासणी होणे शक्य होणार आहे. कोरोनाशिवाय अन्य संशयित रुग्णांवरही या रुग्णालयात मोफत उपचार करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.