मुंबईची लाइफलाईन असलेल्या लोकलच्या तिन्ही मार्गांवर दररोज शेकडो रेल्वे धावतात. या रेल्वे गाड्यांची देखभाल दुरूस्ती करण्यासाठी तिन्ही मार्गांवर किंवा काही मार्गांवर मेगा ब्लॉक घेण्यात येतो. येत्या रविवारी म्हणजेच २८ मार्चला मध्य मार्गावर मेगा ब्लॉक नसला तरी हार्बर मार्गावर आणि खारकोपर हार्बर मार्गावर मेगाब्लॉक असणार आहे. पनवेल-वाशी अप व डाउन हार्बर मार्गावर सकाळी ११ वाजून ०५ मिनिटं ते संध्याकाळी ४ वाजून ५ मिनिटे या दरम्यान नेरूळ / बेलापूर-खारकोपर हार्बर मार्गावरील रेल्वे सेवा बंद असणार आहे.

"सीताराम कुंटे आधी तुमच्या जवळचे होते, आता..."; आव्हाडांचा फडणवीसांना सवाल

अप हार्बर मार्गावर छत्रपती शिवाजी महाराज टर्मिनस मुंबईकरीता पनवेलहून सकाळी १० वाजून ४९ मिनिटे ते सायंकाळी ४ वाजून ०१ पर्यंत सुटणाऱ्या रेल्वे गाड्या तसेच, छत्रपती शिवाजी महाराज टर्मिनस मुंबई येथून सकाळी १० वाजून ०३ मिनिटे ते दुपारी ३ वाजून १६ मिनिटांपर्यंत पनवेल / बेलापूरला जाणा-या डाउन हार्बर मार्गावरील सेवा रद्द राहतील. पनवेलहून सकाळी ९ वाजून ०१ मिनिटे ते दुपारी ३ वाजून ५३ मिनिटे या वेळेत ठाणेकडे जाणार्‍या ट्रान्सहार्बर मार्गावर आणि ठाणेहून सकाळी १० वाजून ०१ मिनिटे ते दुपारी ३ वाजून २० मिनिटांपर्यंत पनवेलकडे जाणारी डाउन ट्रान्सहार्बर मार्गावरील सेवा बंद राहतील.

कोणत्या रेल्वे सेवा सुरू राहणार?

मेगाब्लॉकच्या कालावधीत प्रवाशांच्या सोयीकरीता छत्रपती शिवाजी महाराज टर्मिनस ते वाशी या मार्गावर विशेष लोकल गाड्या चालविण्यात येणार आहेत. मेगा ब्लॉकच्या कालावधीत ठाणे ते वाशी आणि ठाणे ते नेरूळ स्थानकांदरम्यान ट्रान्सहार्बर मार्गावर सेवा उपलब्ध असतील.

Bhandup Hospital fire: उद्धव ठाकरेंनी दिलं ठरलेलं उत्तर

पश्चिम रेल्वेवर दिवसा मेगाब्लॉक घेण्यात येणार नसल्याने त्या लाइनवरील सर्व रेल्वेगाड्या वेळापत्रकानुसार धावतील. तसेच मेन लाइन म्हणजेच मध्ये रेल्वेवरही मेगाब्लॉक नसल्याने छत्रपती शिवाजी महाराज टर्मिनस आणि कल्याण दरम्यान मुख्य मार्गावर रेल्वे सेवा सुरू असणार आहे.