मुंबई

"भाजपने खुशाल आंदोलन करावं, सतरंज्या आम्ही घालून देतो..."

मुंबईच्या महापौर किशोरी पेडणकरांचा खोचक टोला

विराज भागवत

मुंबईच्या महापौर किशोरी पेडणकरांचा खोचक टोला

मुंबई: राज्यात सध्या कोरोनाचा वेग काहीसा आटोक्यात यायला सुरूवात झाली आहे. राज्यात लावण्यात आलेल्या लॉकडाउनचा काही अंशी फायदा होत असल्याचं चित्र आहे. मुंबईच्या (Mumbai) रूग्णवाढीच्या दरातही कपात झाल्याचं दिसत असून रूग्ण दुपटीचा कालावधी वाढला आहे. मुंबईच्या दृष्टीने काही दिलासादायक गोष्टी घडत असताना आता १८ ते ४४ या वयोगटातील लोकांना लसीकरण (Vaccination) करणं हे मुंबई पालिकेसाठी एक मोठं आव्हान आहे. मुंबईत या वयोगटातील लोकसंख्या प्रचंड असून त्यांना मोफत लसीकरण करण्यासाठी किती कालावधी लागेल याची कल्पना नाही. अशा परिस्थितीत भाजपच्या नेतेमंडळींना मुंबईच्या महापौर किशोरी पेडणेकर यांनी टोला लगावला. (Mumbai Mayor Kishori Pednekar Taunts BJP Leaders who are warning for Agitation Corona Vaccination)

"विविध संस्था सध्या मुंबईचं कौतुकं करत आहेत. मुंबईने योग्य उपाययोजना करून राज्यातील लसीकरणाची मोहिम राबवली आणि कोरोना आळा घालण्यातही महत्त्वाची भूमिका बजावली. कोणतंही संकट आलं, तरी मुंबईकर खंबीर आहेत. हे श्रेय कुण्या एकट्याचं नाही, हे सर्वांचं यश आहे. आणि आम्ही मुंबईकरांची सेवा करण्यासाठी कटीबद्ध आहोत. पण सध्या मोफत लस मिळावी म्हणून भाजपकडून आंदोलन केलं जाणार असल्याची माहिती आहे. त्यांना माझा सल्ला आहे की त्यांनी खुशाल आंदोलन करावं कारण लोकशाही आहे. पण त्यांना पहिले केंद्रात याबद्दलचा प्रयत्न करावा आणि मग राज्यात व मुंबईत आंदोलनाला बसावं. आम्ही स्वत: दालनाबाहेर आंदोलन करण्यासाठी त्यांना सतरंज्या घालून देऊ", अशा शब्दात त्यांनी भाजपला टोला लगावला.

"जे नोंदणीकृत फेरीवाले आहेत. त्यांना आर्थिक मदत नक्की मिळेल. मात्र जे फेरीवाले अधिकृत नाहीत, त्यांच्यासाठी राज्य सरकारने घालून दिलेल्या नियमांप्रमाणे पालिकेला काय करता येईल ते नक्कीच पाहू आणि निर्णय घेऊ. नायर रूग्णालयातील काही शिकाऊ डॉक्टर्स सध्या कामबंद आंदोलन करत आहेत. त्याचं एका वर्षापासूनचं स्टासपंड पेंडिंग आहे. मात्र ते काही तांत्रिक कारणांमुळे अडकलं आहे. ते स्टायपंड त्यांना लवकरच मिळेल", असं आश्वासन त्यांनी दिलं.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT