मुंबई : महाराष्ट्र कर्नाटक सीमा प्रश्नी नेमलेल्या उच्चाधिकार समितीची आज मुंबईत महत्त्वाची बैठक पार पडणार आहे. या बैठकीत महाराष्ट्राचे मुख्यमंत्री उद्धव ठाकरे, उपमुख्यामंत्री अजित पवार, राष्ट्रवादी काँग्रेस पक्षाचे सर्वेसर्वा शरद पवार आणि सीमाभाग समन्वयक मंत्री छगन भुजबळ  तसेच एकनाथ शिंदे सहभागी होणार आहेत. आज दुपारी दोन वाजता ही महत्त्वाची बैठक पार पडणार आहे. 

महत्त्वाची बातमी : "स्वतःचे दामन रक्ताने लादले असणाऱ्यांनी दुसऱ्यांवर आरोप करूच नये"आशिष शेलार यांचे राऊत पवारांवर थेट आरोप

कर्नाटकच्या बाजूने काही दिवसांपूर्वी सीमाभागात पिवळा झेंडा लावण्यात आला होता. त्यानंतर शिवसेनेकडून तिथे जाऊन भगवा झेंडा लावण्याची घोषणा केली गेलेली. यामुळे सीमाभागातील वातावरण चांगलंच तणावाचं झालं होतं. या पार्श्वभूमीवर आज मुंबईत अंत्यंत महत्त्वाची बैठक पार पडतेय. स्वतः शरद पवार हे या बैठकीत उपस्थित असणार आहेत. सोबतच विरोधी पक्षांना देखील या बैठकीत बोलावलं  गेलं आहे. 

महत्त्वाची बातमी :  कुणाला काय वाटेल याची पर्वा न करता जेंव्हा शिवसेनेचा खासदार भाजप आमदाराने आयोजित कार्यक्रमात लावतो थेट हजेरी

या बैठकीत कोण-कोणत्या बाबींवर चर्चा होते, नेमकी महाराष्ट्राची सीमाभागावर काय भूमिका असणार आहे. या बैठकीनंतर महाराष्ट्राकडून कर्नाटकाशी कसा पत्रव्यवहार केला जाणार आहे यासाठी आजची बैठक अत्यंत महत्त्वाची मनाली जातेय. दुपारी दोन वाजता सह्याद्री अतिथीगृहावर ही बैठक पार पडणार आहे.

mumbai political news important meeting to discuss border tension between maharashtra and karnataka