मुंबई : मध्य, हार्बर, पश्चिम रेल्वेवर (Railway mega block) रेल्वे रूळ, सिग्नल यंत्रणा, ओव्हर हेड वायर यांच्या देखभाल दुरुस्तीसाठी (railway repairing work) रविवारी (ता.3) रोजी मेगाब्लॉक घेण्यात येईल. पश्चिम रेल्वेवर (western railway) शनिवारी-रविवारी रात्रकालीन ब्लाॅक घेण्यात येईल.

कुठे : ठाणे- दिवा अप आणि डाऊन धीम्या मार्गावर

कधी : सकाळी 11.00 ते दुपारी 4.00 वाजेपर्यंत

परिणाम : ब्लाॅकदरम्यान मुलुंडहून डाऊन दिशेकडे जाणाऱ्या लोकल दिवा स्थानकापर्यंत जलद मार्गावर धावतील. या लोकल ठाणे आणि दिवा येथे थांबा घेतील. तर, कल्याणहून अप दिशेकडे जाणाऱ्या लोकल दिवा, मुलुंड दरम्यान जलद मार्गावर धावतील. या लोकल दिवा आणि ठाणे येथे थांबा घेतील. मुलुंड नंतर धिम्या लोकल सर्व स्थानकावर थांबतील.

कुठे : पनवेल- वाशी अप आणि डाऊन हार्बर मार्गावर (बेलापूर- खारकोपर सेवा प्रभावित होणार नाहीत; नेरुळ- खारकोपर सेवा रद्द राहतील)

कधी : सकाळी 11.05 ते संध्याकाळी 4.05 वाजेपर्यंत

परिणाम : ब्लाॅकवेळी हार्बर मार्गावर सीएसएमटी ते पनवेल, बेलापूर दरम्यानची अप आणि डाऊन सेवा रद्द केल्या जातील. पनवेल-ठाणे अप आणि डाऊन मार्गावरील ट्रान्स हार्बर मार्गावरील, नेरुळ-खारकोपर अप आणि डाऊन लोकल सेवा बंद राहील.

ब्लॉक कालावधी दरम्यान बेलापूर- खारकोपर दरम्यान लोकल सेवा वेळापत्रकानुसार चालतील. ब्लॉक काळात सीएसएमटी - वाशी दरम्यान विशेष लोकल चालविण्यात येतील. ब्लॉक कालावधी दरम्यान ठाणे-वाशी/नेरुळ स्थानकांदरम्यान ट्रान्स हार्बर मार्गावरील सेवा उपलब्ध असतील.

कुठे : माहिम ते मुंबई सेंट्रल अप आणि डाऊन धीमी मार्गावर

कधी : शनिवारी-रविवारच्या रात्री 11.50 ते पहाटे 4.50 वाजेपर्यंत

परिणाम : ब्लाॅकवेळी अप दिशेकडील धीम्या मार्गावरील सर्व लोकल माहिम ते मुंबई सेंट्रल दरम्यान अप जलद मार्गावर धावेल. त्यामुळे माहिम, माटुंगा रोड, प्रभादेवी, लोअर परळ आणि महालक्ष्मी येथे या लोकल थांबणार नाही. चर्चगेट स्थानकावरून रात्री 1 वाजता बोरीवलीकडे सुटणारी गाडी चर्चगेटवरून 1.25 वाजता सुटेल.