मुंबई : कोरोना विषाणूला संपवू शकेल, अशी लस अद्याप तयार झालेली नाही. परंतु, जुनीच प्लाझ्मा उपचारपद्धती परिणामकारक ठरत आहे. त्यामुळे मुंबई महापालिकेने या आजारातून बऱ्या झालेल्या रुग्णांना रक्तदान करण्याचे आवाहन केले आहे. आता फक्त कोरोनामुक्त झालेल्यांना यासाठी रक्तदान करायची आवश्यकता आहे.

मोठी बातमी : कल्‍याण, डोंबिवलीत धोका वाढला; संसर्गाचे हॉटस्पॉट घोषित

कोरोनाची बाधा रोखण्यासाठी कोणतीही लस नसली, तरी माणसाच्या शरीरातील रोगप्रतिकारशक्ती या विषाणूला वरचढ ठरत आहे. रोगप्रतिकारक शक्तीच्या जोरावरच रुग्ण बरे होत आहेत. त्यामुळे आता प्लाझ्मा थेरपी म्हणजे रक्तद्रव उपचार पद्धतीचा अवलंब केला जाणार आहे. भारतात केरळमध्ये हा प्रयोग करण्यात येणार असून, केंद्र सरकारनेही मान्यता दिली आहे. चीन, अमेरिका, दक्षिण कोरिया आदी देशांतही प्लाझ्मा थेरपी उपयुक्त ठरली आहे. 

नक्की वाचा : लॉकडाऊन : दूर देशी गेलेल्या बाबाच्या काळजीनं मुलीचा अन्नत्याग 

या उपचारपद्धतीत कोरोनामुक्त व्यक्तींच्या रक्तातील प्लाझ्मा रुग्णाला दिला जाईल. असे उपचार फक्त अत्यवस्थ रुग्णांवर केले जाण्याची शक्‍यता आहे. त्यानुसार आजारातून बरे झालेल्या व्यक्तींना रक्तदान करण्याचे आवाहन करत आहोत. भारतीय वैद्यक संशोधन परिषदेच्या निर्देशांनुसार पुढील निर्णय घेण्यात येतील, असे महापालिकेच्या उप आरोग्य अधिकारी डॉ. दक्षा शहा यांनी सांगितले. 

महत्वाची बातमी : कोरोनादरम्यान गर्भवती महिलांनी घ्या स्वत:ची काळजी...असे रहा तणावमुक्त

नक्की काय होते? 

• रोगप्रतिकारक शक्ती बळावलेल्या कोरोनामुक्त व्यक्तींच्या रक्तद्रवात प्रतिपिंडे तयार होतात. 
• अशा व्यक्तीच्या रक्तद्रवामार्फत प्रतिपिंडे कोरोनाबाधिताच्या शरीरात पोहोचवली जातात. 
• ही प्रतिपिंडे लसीप्रमाणे काम करून कोरोना रुग्णाच्या शरीरात रोगप्रतिकारक शक्ती तयार करतात.

 Mumbai ready to fight with Corona with this therapy