मुंबई: कोरोना व्हायरसमुळे मागच्या वर्षभरापासून मुंबईत शाळा बंद आहेत. आता कोरोनाची दुसरी लाट असल्यामुळे शाळा बंद ठेवण्यात आल्या आहेत. मागच्या वर्षभरापासून शाळा या पूर्ण क्षमतेने सुरुच होऊ शकल्या नाहीत. परिणामी या शाळांवर अवंलबून असलेल्या स्कूल बस उद्योगाचे मोठे नुकसान झाले आहे. शाळा बंद असल्यामुळे स्कूल बसच्या व्यवसायातील २४ हजार लोक बेरोजगार झाले आहेत.
"मुंबईत मागच्या वर्षभरापासून ८ हजार स्कूल बसेस शालेय विद्यार्थ्यांना घेऊन रस्त्यावर धावलेल्या नाहीत. त्यामुळे प्रत्येक बसमधील चालक, कंडक्टर आणि महिला अटेंडंट बेरोजगार झाले आहेत" असे स्कूल बस ओनर्स असोशिएशनचे अनिल गर्ग म्हणाले. बस आणि कार ऑपरेटर्सच्या कॉनफेडरेशन ऑफ इंडियानुसार, महाराष्ट्रात ५० हजार स्कूल बसेस आहेत. त्यामुळे दीड लाख नोकऱ्यांवर परिणाम झाला आहे.
बेस्टने स्कूल बसेसना सार्वजनिक वाहतुकीची परवानगी द्यावी, अशी मागणी गर्ग यांनी केली आहे. ही परवानगी मिळाली, तर गर्दीच्यावेळी नोकरदारांची वाहतुक करता येईल. यामुळे बेस्टच्या ताफ्यातील बस तीनपटीने वाढतील व छोट्या बसेस अरुंद गल्ल्यांमधुन सहजतेने धावू शकतात, याकडे त्यांनी लक्ष वेधले.
बेस्टकडे ४३०० बेससचा ताफा असून त्यांनी MSRTC कडून काही बसेस भाड्यावर घेतल्या आहेत. "सध्या ऑनलाइन वर्ग सुरु आहेत. त्यामुळे शाळांनी बस मालकांना पैसे देण्यास नकार दिला आहे. कारण पालक वर्ग शाळा सुरु नसल्यामुळे बसेसची फी भरत नाही. त्यामुळे हजारो लोक बेरोजगार झाले आहेत. अनेकांनी कर्ज काढून बसेस विकत घेतल्या आहेत. त्यांना आता महिन्याचे EMI हफ्ते भरणे जमत नाहीय" असे गर्ग यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.