केंद्रीय मंत्री नारायण राणे (Narayan Rane) यांना मुंबई महानगरपालिकेने (BMC) पुन्हा एकदा नोटीस बजावली आहे. जुहूमधील (Juhu) अधीश बंगल्याच्या अनधिकृत बांधकाम प्रकरणी ही महापालिकेने ही नोटीस बजावली आहे. काही दिवसांपूर्वीच राणेंच्या घरी मुंबई महानगर पालिकेच्या पथकाने पाहणी केली होती. त्यानंतर आता नारायण राणेंना नोटीस बजावण्यात आली आहे.

मुंबई महानगरपालिकेच्या 9 अधिकाऱ्यांचं पथक नारायण राणेंच्या अधीश बंगल्यामध्ये दाखल झालं होतं. त्यावेळी त्यांनी कागदपत्रांची पडताळणी करुन नारायण राणेंना काही विचारपूस केली होती. नारायण राणे यांच्या जुहूमधील अधीश बंगल्यावर अनधिकृतपणे बांधकाम केल्याचा ठपका ठेवत मुंबई महानगरपालिकेने नारायण राणेंना नोटीस पाठवली होती. त्यानंतर नारायण राणेंनी आपण कोणत्याच नियमांचं उल्लंघन केलं नसल्याचं सांगितलं होतं. मात्र आता राणेंना पुन्हा एकदा BMC कडून नोटीस बजावण्यात आली आहे.