मुंबई : मुंबईत आज 1201 नवीन रुग्णांची भर पडली. त्यामुळे  एकूण रुग्णसंख्या 85,326 झाली आहे. तर आज 39 रुग्णांचा मृत्यू झाला असून मृतांचा आकडा 4,935 वर पोचला आहे. मात्र मुंबईत आज एका दिवसात 1269 रुग्ण बरे होऊन घरी गेले. 

हेही वाचा: दिलासादायक बातमी! राज्यातील 2 लाख एचआयव्ही ग्रस्तांमध्ये फक्त 'इतके' जण कोरोनाबाधित.. 

मुंबईत आज नोंदवल्या 39 मृत्यूंपैकी 32 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 23 पुरुष तर 16 महिलांचा समावेश होता. एकूण मृत झालेल्या रुग्णांपैकी दोघांचे वय 40 च्या खाली होतेे. तर 22 रुग्ण 60 वर्षा वरील होते तर 15 रुग्ण 40 ते 60 वर्षा दरम्यान होते.                          

मुंबई संशयित रुग्ण आढळणे सुरूच असून आज एकूण 762 नवे संशयित रुग्ण सापडले असून  आतापर्यंत 59,181 संशयित रुग्णांना रुग्णालयात दाखल करण्यात आले. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 1,269 रुग्ण बरे झाले असून आज पर्यंत  57,152 रुग्णांना घरी सोडण्यात आले.

हेही वाचा: मुंबईत रेल्वे रुळांवर वॉटर लॉगिंगचा प्रश्न यंदा मिटणार; पाण्याचा निचराही होणार जलद..मध्य-पश्चिम रेल्वेचा दावा..  

                                      
मुंबईत आजारातून बरे झालेल्या रुग्णांचा दर हा 67 टक्के इतका आहे. तर 5 जून पर्यंत एकूूूण 3,59,159 कोविड चाचण्या करण्यात आल्या. तर 29 जून ते 5 जुलै दरम्यान कोविड रुग्णवाढीचा दर हा 1.60 इतका आहे. तर रुग्ण दुपटीचा दर हा 44 दिवसांवर गेला आहे.

new 1201 corona patients in mumbai today