शहापूर : तालुक्यात 0 ते 6  वयोगटातील 90 बालके तीव्र कुपोषित (सॅम) तर 589 बालके मध्यम कुपोषित (मॅम) असल्याचे सरकारी आकडेवारीनुसार स्पष्ट झाले आहे. दरम्यान याबाबत तातडीने उपाययोजना करण्याची मागणी केली जात आहे.

हे ही वाचा : हळूहळू उद्योग खुलण्यास सुरवात; राज्यात २५ हजार कंपन्या सुरु, सहा लाख कामगार रुजू

बाल विकास विभागाच्या शहापूर आणि डोळखांब प्रकल्पात एकूण 569 अंगणवाड्या कार्यरत आहेत. शहापूर प्रकल्पातील अंगणवाडयामध्ये 0 ते 6 वयोगटात 13 हजार 544 तर डोळखांब प्रकल्पातील अंगणवाड्यामध्ये 11 हजार  906 बालके अशी एकूण 25 हजार 450 बालके सर्वेक्षीत आहेत. यापैकी शहापुर  प्रकल्पात सद्यस्थितीला 0 ते 6 वयोगटातील 16 बालके तीव्र कुपोषित(सॅम) आणि 244 बालके मध्यम कुपोषित (मॅम) आहेत. तर डोळखांब प्रकल्पात 0 ते 6 वयोगटात 74 तीव्र कुपोषित (सॅम) आणि 345 मध्यम  कुपोषित (मॅम) बालके आहेत. अशाप्रकारे दोन्ही प्रकल्पात मिळून तालुक्यात एकूण 90 बालके तीव्र कुपोषित तर 589 बालके मध्यम कुपोषित आहेत.

नक्की वाचा : रतन खत्री होता तरी कोण? करोडोची बक्कळ माया त्याने कशी जमवली? वाचा हा लेख...

त्यामुळे सद्यस्थितीत तालुक्यात एकूण 679 बालके तीव्र व मध्यम कुपोषित असल्याने या सर्वांना कुपोषणातुन  बाहेर आणण्यासाठी बालविकास प्रकल्प विभाग व आरोग्य विभागाने प्रयत्न करण्याची मागणी विविध सामाजिक संस्थांकडून केली जात आहे. 

number of malnourished children in Shahapur taluka is alarming - 90 acute, while 589 moderately malnourished children