खारघर : खारघर सेक्‍टर २६ ते ३६ परिसरातील रस्त्यावर मोठ्या प्रमाणात खड्डे पडले आहेत. याबाबत नागरिकांनी आक्रमक भूमिका घेत गुरुवारी (ता. ३०) तळोजा-खारघर वेल्फेअर असोसिएशनच्या माध्यमातून आंदोलन करण्याचा निर्णय घेतला होता. अखेर आंदोलनाच्या भीतीने सिडकोच्या अधिकाऱ्यांनी ५ फेब्रुवारीपासून रस्त्याच्या कामाला सुरुवात करणार असल्याचे लेखी आश्‍वासन दिल्याने नागरिकांनी आंदोलन तूर्तास स्थगित केले आहे.

हे पण वाचा ः मराठीत शिकलेत म्‍हणून नाकारली नोकरी...

खारघर सेक्‍टर २६ ते ३६ परिसरातील रस्त्यावर मोठ्या प्रमाणात खड्डे पडले आहेत. याबाबत कोणत्याही प्रकारची उपाययोजना केली जात नसल्याने खारघर-तळोजा वेल्फेअर असोसिएशनच्या वतीने ३० जानेवारीपासून सिडकोच्या खारघर कार्यालयासमोर ‘वचन दिलाओ, रस्ते बनाओ’ अशा प्रकारचे आंदोलन करण्यात येणार होते.

हे पण वाचा ः चालत्‍या बोटीच्या इंजिनमध्ये पडला चिमुकला 

नागरिकांकडून तीव्र आंदोलन छेडण्यात येणार असल्याची माहिती खारघर सेक्‍टर २५ ते ४० विभागाचे कार्यकारी अभियंता गिरीश रघुवंशी यांना प्राप्त होताच त्यांनी खारघर-तळोजा वेल्फेअर असोसिएशनच्या सदस्‍यांना बोलावून रस्त्यावर पडलेले खड्डे डांबरीकरण करून बुजवले जातील, असे लेखी आश्‍वासन दिले आहे. 

नागरिकांनी घेतलेल्या आक्रमक पावित्र्यामुळे सिडको अधिकाऱ्यांनी रस्त्यांचे डांबरीकरण करण्याचा निर्णय घेतला आहे. तसेच १० मार्चपर्यंत सेक्‍टर २५ ते ३६ मधील रस्त्यांचे डांबरीकरण पूर्ण करण्याचे लेखी आश्‍वासन दिले आहे.
१० मार्चपर्यंत रस्त्यांचे डांबरीकरण