कळवा : मुंब्रा-पनवेल महामार्गावर एका रिक्षाला मागून भरधाव येणाऱ्या रिक्षाने जोरदार धडक दिल्याची घटना घडली. या अपघातात 60 वर्षीय नागरिकाच्या डोक्याला मार लागल्याने त्याचा मृत्यू झाला. तसेच या अपघातात अन्य एक जण गंभीर जखमी झाला आहे. ही घटना रविवारी (ता. 16) सायंकाळच्या सुमारास घडली.
बाळाराम पाटील (60, रा. दहिसर) असे मृत प्रवाशाचे नाव आहे. मुंब्रा-पनवेल रस्त्यावरील दहिसर येथील सुखदेव धाब्याजवळ रिक्षाचालक अब्दुल शेख हा जात होता. त्याच्या रिक्षातून बाळाराम पाटील हे शिळ फाटा येथे जात असताना रिक्षाच्या पाठीमागून येणाऱ्या रिक्षाचालक दत्तू माळी (रा. नागाव) याने अब्दुल याच्या रिक्षाला जोराने धडक दिली.
या धडकेत पुढील रिक्षा पलटी झाल्याने बाळाराम पाटील यांच्या डोक्याला गंभीर दुखापत झाली. यात त्यांचा मृत्यू झाला; तर दोन्ही रिक्षाचालक जखमी झाले असून त्यांच्यावर रुग्णालयात उपचार सुरू आहेत. या संदर्भात शिळ-डायघर पोलिस पुढील तपास करीत आहेत.
web title : one dead in riksha accident at kalwa
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.