मुरबाड (ठाणे) - मुरबाड नगर पंचायतीचे मुख्याधिकारी पंकज भुसे यांना मुरबाड बाजार पेठेतील 250 अनधिकृत आर सी सी व्यापारी गाळ्यांच्या बांधकाम प्रकरणात निलंबित करण्यात आल्याने गाळे धारकांचे धाबे दणाणले आहे. या प्रकरणात नगरसेवकही सहभागी असल्याची तक्रार मुरबाड शहर शिवसेना प्रमुख रामभाऊ दुधाळे यांनी केली असल्याने त्यांचेवरही कारवाई होणार काय याची चर्चा आता रंगली आहे.

मुरबाड बाजार पेठेतील मुख्यरस्त्याचे रुंदीकरण करताना जुन्या टपऱ्या तोडून तेथे विना परवानगीआर सी सी गाळे तयार करण्यात आले नगर पंचायतीच्या कार्यालया समोर राजरोस बांधकाम चालू असताना नगर पंचायतीचे मुख्याधिकारी गप्प बसले होते तर काही नगर सेवक बांधकामाच्या ठिकाणी देखरेख करत होते या बाबत भाजप कार्यकर्ते प्रसाद पोतदार, भास्कर खंडागळे, मुरबाड शहर शिवसेना प्रमुख राम दुधाळे, मनसे अध्यक्ष नरेश देसले, रवींद्र चंदने यांचेसह अनेकांनी तक्रारी उपोषणे करूनही नगर पंचायत प्रशासन गप्प होते एवढेच नव्हे तर या व्यापारी गाळ्यांना वीज जोडणी देण्यासाठी महावितरणला नगर पंचायती तर्फे नाहरकत दाखलेही देण्यात आले या प्रकरणाची वरिष्ठ पातळीव चौकशी होऊन त्यामध्ये भुसे दोषी आढळल्याने अखेर मंत्रालयातून त्यांना निलंबित करण्याचा आदेश देण्यात आला 

अनधिकृत बांधकामांना तोडण्याची नोटीस
एकीकडे मुख्य रस्त्याची रुंदी कमी करून अनधिकृत गाळ्यांना अभय देताना भुसे शहरातील रस्ता रुंद करण्यासाठी लोकांच्या खाजगी अधिकृत मालमत्ता तोडण्यासाठी कुठलीही नुकसान भरपाई किंवा टी डी आर न देता नागरिकांना त्यांचे घरासमोर जेसीबी व कर्मचाऱ्यांचा ताफा उभा करून दमदाटी होत असल्याने लोकांचा भुसे यांचे वर राग होता काही लोकांनी घाबरून स्वतःहून बांधकामे तोडली तर काही जणांनी न्यायालयात धाव घेतली आहे 100 वर्षापूर्वीचे बांधकाम असलेल्या जैन मंदिर व हनुमान मंदिर तोडण्यासाठी सुद्धा त्यांनी नोटीस बजावली होती 1961 पूर्वीचे बांधकाम असलेली प्रार्थना स्थळे तोडू नयेत असा शासनाचा निर्णय असूनही त्यांनी मंदिराचे बांधकाम तोडण्यासाठी नोटीस देऊन कायदा धाब्यावर बसवला होत