मुंबई : शिवडी न्यायालयाच्या चौथ्या मजल्यावरून 34 वर्षीय व्यक्तीने उडी मारून शुक्रवारी आत्महत्या करण्याचा प्रयत्न केला. राजेंद्र वाल्मिकी असे व्यक्तीचे नाव असून तो न्यायालयामध्ये बेल बॉण्ड भरण्यासाठी आला होता. वाल्मिकी गंभीर जखमी असून त्याला केईएम रुग्णालयात दाखल करण्यात आले आहे.
गुन्हे शाखेचे अधिकारी असल्याचे भासवून दरोडा टाकण्याच्या प्रयत्नात पोलिसांनी वाल्मिकीला 18 ऑगस्टला अटक केली होती. या प्रकरणी वाल्मिकीच्या आणखी सहा साथीदारांनाही पोलिसांनी अटक केली होती. 16 ऑगस्टला आरोपींनी टेम्पोचालकाला अडवून लुटले होते. टेम्पोमध्ये गुटखा होता. त्यानंतर 18 ऑगस्टला सात आरोपींना कस्तुरबा मार्ग पोलिसांनी अटक केली होती. सर्व आरोपींविरुद्ध गुटखा बाळगल्याप्रकरणीही गुन्हा दाखल करण्यात आला होता.
सर्व सात आरोपींना सप्टेंबर महिन्यातच दहा हजार रुपयांचा जामीन झाला होता. पण पैसे देण्याची ऐपत नसल्यामुळे त्यांनी न्यायालयाकडे आणखी वेळ मागितला होता. त्याबाबत शुक्रवारी ते न्यायालयासमोर हजर झाले होते. वाल्मिकीची पैशांची व्यवस्था न झाल्यामुळे त्याला आता याप्रकरणी पुन्हा तुरुंगात जावे लागेल, अशी भीती वाटत होती. त्यामुळे त्याने चौथ्या मजल्यावरून उडी मारल्याचा संशय व्यक्त करण्यात येत आहे. घटनेची पोलिसांनी नोंद केली असून अधिक तपास करत आहेत.
------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.