मुंबई : मुंबईतील पावसाळयापूर्वीची कामे येत्या सोमवारपासून सुरू होणार आहेत. पालिकेतील सर्व कंत्राटदारांना तशा सूचना दिल्या आहेत. त्यामुळे पावसाळ्यापुर्वी करण्यात येणाऱ्या रस्ते, पर्जन्य जलवाहिन्या तसेच, मलनिस्सारण वाहिन्यांच्या कामांची लगबग आता सुरू होणार आहेत. 
कोरोनामुळे मुंबईतील अनेक विकास कामे सध्या बंद आहेत. त्यात पावसाळा अवघ्या दीड महिन्यांवर आल्याने रखडलेल्या रस्त्यांच्या कामांना आता वेगाने सुरुवात होणार आहे. कंत्राटदारांना तशा सूचना पालिका प्रशासनाने दिल्या आहेत.

महत्त्वाची बातमी ः झाला खुलासा, असा घुसला भारतीय नौदलात कोरोना व्हायरस...

मुंबईत अनेक रस्त्यांचे कॉंक्रीटीकरण आणि डांबरीकरणाची कामे हाती घेण्यात आली होती. अनेक रस्ते खोदून ठेवण्यात आले होते; तर, काही ठिकाणी पर्जन्यजल तसे जल वाहिन्या टाकण्याचे काम सुरु होते; मात्र कोरोना पार्श्वभूमीवर लॉकडाऊन लागल्याने सर्व कामे ठप्प पडली. खोदून ठेवलेली ही कामेही अपूर्णावस्थेत आहेत. त्यामुळे ऐन पावसाळ्यात मोठ्या समस्यांना तोंड द्यावे लागले असते. म्हणून प्रशासनाने पावसाळ्यापुर्वी ही कामे पुर्ण करण्याचा निर्णय घेतला आहे. रस्त्यांसोबतच नाले, गटारे, मॅनहोल आदी पावसाळ्यापुर्वीची कामेही हळू हळू सुरू केली जाणार आहेत. 

मोठी बातमी ः हंगाम संपत आला; राज्यातील टूर गाईड रोजगाराविनाच!

अपुर्ण कामांना प्राधान्य 
लॉकडाऊनमुळे रस्ते मोकळे आहेत. त्यामुळे कामे वेगाने होतील, असा प्रशासनाचा अंदाज आहे. यापूर्वी महापालिका आयुक्त प्रविण परदेशी यांनी स्थायी समितीची विशेष बैठक बोलावून तब्बल 185 रस्त्यांची कामे मंजूर करून दिली होती; मात्र त्यानंतर अवघ्या चार दिवसांत देशात लॉकडाऊन जाहीर झाला. या काळात मजूर आपआपल्या गावाला निघून गेले. मजुरांअभावी सुरू झालेली कामेही थांबली. त्यामुळे जी कामे हाती घेतली आहेत किमान ती तरी पूर्ण करावीत, असे निर्देश महापालिका आयुक्तांनी दिले आहेत. 

Pre-monsoon work in Mumbai will begin on Monday