मुंबई : मध्य रेल्वेवरून (central railway) एक गरोदर महिला प्रवासी (pregnant woman commuter) लोकलने प्रवास करत होती. लोकल डोंबिवली येथे आली असता, महिलेला प्रसुती वेदना (delivery paining) होऊ लागल्या होत्या. यावेळी इतर महिला प्रवाशांनी डोंबिवली स्थानकात (dombivali station) कर्तव्यावर असलेल्या महिला आरपीएफला याबाबत माहिती दिली. त्यानंतर महिला आरपीएफ दुर्गेश आणि भावना यांनी संबंधित गरोदर महिलेला डोंबिवली पश्चिमेकडील शास्त्रीनगर येथील महापालिका रुग्णालयात (bmc hospital) दाखल केले. त्यानंतर या महिलेला मुलगा झाला. महिला आरपीएफ जवानांच्या योग्य कार्यवाहीमुळे, सजगतेमुळे महिलेची प्रसुती वेळेत झाली. त्याबाबत समाज माध्यामावरून महिला आरपीएफ विभागाचे कौतुक केले जात आहे.

सोमवारी, (ता.8) रोजी सकाळी 6 च्या सुमारास मध्य रेल्वेवरील खडवली रेल्वे स्थानकातून केईएम रुग्णालयात जाण्यासाठी गरोदर महिला इफ्तियार अंसारी (29) लोकलने प्रवास करत होती. प्रसुतीबाबतच रुग्णालयात जात होती. मात्र, लोकलने प्रवास करत असताना, डोंबिवली स्थानकात महिलेला प्रसुती वेदना होऊ लागल्या. परिणामी, लोकल डब्यातील इतर महिलांनी रेल्वे स्थानकातील महिला आरपीएफ विभागाला कळविले.

त्यानंतर महिला आरपीएफ दुर्गेश आणि भावना तेथे दाखल होऊन गरोदर महिलेला त्वरीत रिक्षा बसवून शास्त्रीनगर येथील महापालिका रुग्णालयात दाखल केले. त्यानंतर डाॅ. काजल शाहद्वारे गरोदर महिलेला एडमिट करून अत्यावश्यक सेवा दिली. त्यामुळे महिलेला मुलगा झाला. महिला आणि नवजात बाळाचे आरोग्य ठणठणीत असल्याची माहिती आरपीएफ विभागाकडून देण्यात आली.