मुंबई : सुशांतसिंह आत्महत्या प्रकरणात अंमलीपदार्थ संबंधामध्ये अटक करण्यात आलेली अभिनेत्री रिया चक्रवर्ती आणि तिचा भाऊ शौविकने मुंबई उच्च न्यायालयात जामीनासाठी आज अर्ज दाखल केला. विशेष एनडीपीएस कोर्टाने तिच्या न्यायालयीन कोठडीत ६ ऑक्टोबरपर्यंत वाढ केली आहे.

सुशांतला अंमलीपदार्थ दिले आणि त्याच्यासाठी ड्रग विक्रेत्यांकडून खरेदी केले, असा आरोप अंमलीपदार्थ प्रतिबंधक विभागाने रियावर ठेवला आहे. याबाबत तिने तपास अधिकाऱ्यांकडे जबाब नोंदविल्याचा दावाही करण्यात आला आहे. मात्र रियाच्यावतीने याचे खंडन करण्यात आले आहे. राजकीय आकसाने माझ्यावर आरोप करण्यात आले आहेत आणि पोलिसांनी दबावाखाली जबाब घेतला आहे, असे रियाच्या वतीने दाखल अर्जामध्ये म्हटले आहे. 

अधिक वाचाः  आज दिवसभर मीही अन्नत्याग करणार: शरद पवार

अन्य आरोपींनी रियाचा उल्लेख त्यांच्या जबाबात केला आहे. शौविकलाही पोलिसांनी ड्रग प्रकरणात अटक केली आहे. दोघांच्या वतीने एड सतीश मानेशिंदे यांनी आज अर्ज दाखल केला. अर्जावर  23 तारखेला न्या सारंग कोतवाल यांच्यापुढे सुनावणी होणार आहे. 

हेही वाचाः  मुंबईत कोव्हिडची स्थिती चिंताजनक; तब्बल 33 लाख लोकं कंटेंन्मेंट झोनमध्ये; सहा महिन्यानंतर आकड्यांमध्ये घट

याप्रकरणातील अन्य आरोपींनीही जामीनासाठी अर्ज केला आहे. यामध्ये झैद विलात्रा, बसित परिहार, दिपेश सावंत आदींचा समावेश आहे. सुशांतने14  जून रोजी आत्महत्या केली होती. याबाबत सीबीआय, ईडी आणि एनसीबी तपास करीत आहेत. विशेष एनडीपीएस न्यायालयाने मागील आठवड्यात सर्व आरोपींचा जामीन फेटाळला आहे.

-------------------

(संपादनः पूजा विचारे)

Rhea Chakraborty judicial custody extended till October 6 by special NDPS court