मुंबई : आरोप कितीही गंभीर असला, तरी संबंधित व्यक्तीचा शिक्षण घेण्याचा अधिकार हिरावून घेता येत नाही, असे निरीक्षण गुरुवारी (ता. २०) मुंबई उच्च न्यायालयाने नोंदवले. मुंबई सेंट्रल येथील नायर रुग्णालयातील डॉ. पायल तडवी यांच्या आत्महत्या प्रकरणातील तीन आरोपींच्या शिक्षण पूर्ण करण्याच्या मागणीबाबत भूमिका स्पष्ट करण्याचे निर्देश उच्च न्यायालयाने राज्य सरकारला दिले.
डॉ. पायल तडवी आत्महत्या प्रकरणात आरोपी असलेल्या डॉ. हेमा अहुजा, डॉ. भक्ती मेहरे आणि डॉ. अंकिता खंडेलवाल यांनी वैद्यकीय शिक्षण पूर्ण करण्याच्या मागणीसाठी उच्च न्यायालयात याचिका दाखल केली आहे. नायर रुग्णालयातून वैद्यकीय शिक्षण पूर्ण करण्याची परवानगी द्या, अशी मागणी
त्यांनी केली आहे.
या तिघींनाही उच्च न्यायालयाने जामीन मंजूर केला आहे. त्यात या तिघींना नायर रुग्णालयाच्या परिसरात प्रवेशास मनाई करण्यात आली आहे.
यासंदर्भात शुक्रवारी (ता. २१) होणाऱ्या सुनावणीत नायर रुग्णालयातील स्त्रीरोगनिदान विभागाच्या प्रमुखांना भूमिका स्पष्ट करण्यासाठी हजर राहण्याचे निर्देश उच्च न्यायालयाने दिले आहेत. गंभीर मानसिक छळामुळे डॉ. पायल यांनी आत्महत्या केल्याचा आरोप पोलिसांनी या तिन्ही महिला डॉक्‍टरांवर ठेवला आहे. नायर रुग्णालयातील साक्षीदारांबाबत काय, असा प्रश्‍न न्या. साधना जाधव यांनी उपस्थित केला.
राज्य सरकारने आरोपींच्या याचिकेला विरोध केला असून, अन्य रुग्णालयातून शिक्षण पूर्ण करण्याची सूचना केली आहे. तथापि, अन्यत्र प्रवेश मिळण्यात अडचणी असल्याची कबुली याचिकादारांनी दिली आहे. जातीच्या कारणावरून छळ करणाऱ्या प्रवृत्तीवर कारवाई व्हायला हवी, असे मतही उच्च न्यायालयाने व्यक्त केले. या याचिकेवर शुक्रवारी सुनावणी होणार आहे.
Right to education for the accused too
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.