मुंबई ः पेट्रोल, डिझेलचे भाव सातत्याने वाढत आहेत, पण लॉकडाऊनमध्ये सूट दिल्यामुळे इंधन विक्रीत घट झालेली नाही, त्याऐवजी लॉकडाऊनच्या कालावधीपेक्षा जास्तच वाढ झाली आहे. अर्थात पेट्रोल पंप चालकांनाही कामगारांची उणीव भासत आहे. 

कोविड सेंटर भ्रष्टाचाराचे कुरण, नागरिकांच्या पैशाची उधळपट्टी; भाजपचा गंभीर आरोप

लॉकडाऊन सुरु असताना वैद्यकीय कर्मचारी, पोलिस, महापालिका कर्मचारी यांच्यासह अत्यावश्यक सेवा सुरु असताना पेट्रोल पंपही काही अटींचे पालन करुन सुरु होते. त्या कालावधीत पेट्रोल, डिझेल तसेच सीएनजीची विक्री 90 टक्क्यापर्यंत कमी झाली होती, असे काहींचे मत आहे. लॉकडाऊन संपल्यानंतर इंधन विक्रीत चांगली वाढ झाली आहे.

देशातील रेल्वेची नियमित वाहतूक 12 ऑगस्टपर्यंत बंद? सोशल मीडियावर जोरदार चर्चा...

पेट्रोल डिझेल विक्रेता संघटनेनुसार सीएनजीची विक्री 30 टक्केच होत आहे. मुंबई परिसरातील बहुसंख्या रिक्षा तसेच टॅक्सी सीएनजीवर चालतात. त्याच प्रामुख्याने बंद आहे, तर अनेक टॅक्सी आणि रिक्षा चालक गावी गेले आहेत. त्यामुळे सीएनजीची विक्री अजून मोठ्या प्रमाणावर सुरु झालेली नाही. आता एक जूलैपासून काहीशी जास्त सूट देण्यात येईल. सध्या रिक्षा, टॅक्सींना केवळ विमानतळ, रेल्वे स्थानक आणि रुग्णालयास जाण्यासच मंजूरी आहे. त्यांचा वापर खुला झाल्यावर सीएनजीच्या विक्रीतही वाढ होईल असा कयास आहे.
दरम्यान काही पंप चालक आमच्या कर्मचाऱ्यांनाही अत्यावश्यक सेवेतील कर्मचारी मानायला हवे आणि त्यांना उपनगरी रेल्वेची सुविधा मिळायला हवी. काही पंपावरील कर्मचाऱ्यांचा मुक्काम गेल्या तीन महिन्यांपासून पंपावरच आहे. त्यांना खाजगी वाहनांची सेवा देता येत नाही, असे पंप चालकांनी सांगितले. 

मुंबईच्या बातम्यांचा आढावा घेण्यासाठी येथे क्लिक करा

दोन आठवड्यापासून इंधनाची सातत्याने भाववाढ होत आहे, पण त्याचा विक्रीवर फारसा परिणाम झालेला नाही. लॉकडाऊनच्या सुरुवातीच्या टप्प्यात खूपच कमी झालेली इंधन विक्री खाजगी वाहनांना परवानगी दिल्यामुळे वाढली आहे. अर्थात स्कूल बसो, खाजगी बसना ब्रेक असल्यामुळे अजून विक्री वाढलेली नाही. मात्र नेहमी जसा इंधन भाववाढीचा विक्री सुरुवातीस परिणाम होतो, तसे यावेळी काहीही दिसलेले नाही.