मुंबई : परराज्यांतून आलेल्या दोन प्रवाशांना सायनहून दादरला नेण्यासाठी टॅक्‍सीचालक व त्याच्या साथीदाराने धमकावून प्रत्येकी 3000 रुपयांना लुटले होते. या प्रकरणी तक्रार दाखल झाल्यावर ना. म. जोशी मार्ग पोलिसांनी फकिरा ठाकरे व गणेश स्वामी या आरोपींना 27 तासांत अटक केली.
हे ही वाचा....या कार्यक्रमामुळे कर्करोगग्रस्तांमध्ये निर्माण झाली जगण्याची आशा
गणपत रेवा राम (21) अणि त्यांचा आतेभाऊ विजयवाडा येथून खासगी आरामबसने मुंबईतील सायन येथे उतरले. त्यांनी तेथून दादर रेल्वेस्थानकापर्यंत जाण्यासाठी टॅक्‍सी केली. टॅक्‍सीचालकाने प्रवासाचे 100 रुपये आणि सामानाचे 30 रुपये असे भाडे सांगितले. काही अंतर गेल्यावर चालकाने एका साथीदाराला टॅक्‍सीत घेतले. त्यांनी या दोन प्रवाशांना सायन आणि दादर परिसरात फिरवून दादर स्थानकाकडे न नेता एल्फिन्स्टन पुलाच्या पश्‍चिमेला नेले.
ही बाब गणपत राम यांच्या लक्षात आली. त्यांनी चालकाला टॅक्‍सी बाजूला घेण्यास सांगितले आणि दोघांनी उतरण्याचा प्रयत्न केला; परंतु दरवाजा आतून बंद करण्यात आला होता.
टॅक्‍सीचालक आणि त्याच्या साथीदाराने गणपत व त्यांच्या आतेभावाकडे 3000 रुपयांची मागणी केली. त्यांनी टॅक्‍सीतून उतरण्याचा प्रयत्न केला असता, टॅक्‍सीचालकाने प्रत्येकी 3000 रुपये मागितले आणि ठार मारण्याची धमकी दिली. त्यामुळे घाबरलेल्या दोघांनी एकूण 6000 रुपये ठाकरे आणि स्वामी यांना दिले. त्यानंतर आरोपींनी या दोघांच्या पाकिटातील 1000 रुपये काढून घेतले आणि पळ काढला. या प्रकरणी गुन्हा दाखल होताच ना. म. जोशी मार्ग पोलिसांनी सीसी टीव्ही चित्रीकरणाच्या मदतीने टॅक्‍सीचा क्रमांक मिळवला आणि 27 तासांत दोघा आरोपींना अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.