मुंबई  : मुंबईत कोरोना रुग्णांची संख्या प्रत्येक दिवशी वाढत आहे, पण मुंबईतील सर्वच भागात हे घडत नाही. बोरीवली पश्चिम, मुलुंड तसेच मरिन लाईन्स, काळबादेवी, चित्रा बाजार परिसरात कोरोना रुग्णांचे प्रमाण कमी आहे. 

मोठी बातमी : '८ डिसेंबर 2020 ला संपूर्ण जग होणार COVID19 मुक्त; भारताची तारीख आहे २०...

आर उत्तर अर्थात बोरीवली असलेल्या प्रभागात कोरोना रुग्णांची संख्या सगळ्यात कमी म्हणजे 29 आहे, तर मुलुंड असलेल्या टी प्रभागात 32 तर दक्षिण मुंबईतील क प्रभागात 33 जण आहेत. या तीनही प्रभागातही झोपडपट्टी किंवा चाळी आहेत. सार्वजनिक स्वच्छतागृह आहेत, तरीही रुग्णांची संख्या कमी आहे. वोरीवली असलेल्या आर उत्तर प्रभागातील 60 टक्के भागात झोपडपट्टी आहे. दक्षिण मुंबईतील क प्रभागात 41 टक्के जुन्या चाळी आहेत.  तर टी प्रभागात 35 टक्के झोपडपट्टी आहे. त्यानंतरही या प्रभागात कोरोनाची साथ आटोक्यात राहण्यात यश आले आहे. या प्रभागातील रुग्ण काही कुटुंबापुरते मर्यादीत आहेत. या तीनही प्रभागात एकच हॉटस्पॉट आहे. 

नक्की वाचा : मुंबईत धुमाकूळ घालू शकतो कोरोना; १५ तारखेपर्यंत रुग्णांचा आकडा इतक्या जहारांवर जाऊ शकतो

या प्रभागांनी कंटनमेंट, विलगीकरण, रुग्णांच्या संपर्कात आलेल्या व्यक्ती, स्वच्छतागृह तसेच झोपडपट्ट्यांचे डिसइनफेक्शन, हे सर्व उपाय काटेकोरपणे अमलात आणले. त्यांनी कोरोनाची साथ पसरणार नाही याकडे लक्ष दिले. आर उत्तर प्रभागातील बहुतेक रुग्ण तीन झोपडपट्टीतील आहेत. त्यांचे विलगीकरण रुग्णालयात वेळीच झाल्याने साथ पसरली नाही. क प्रभागातील साथही कुटुंबापुरती किंवा त्यांच्या संपर्कातील व्यक्तींपुरतीच प्रामुख्याने मर्यादीत राहिली. टी प्रभागातही काहीसे हेच घडले, पण या प्रभागात एका भाजीविक्रेत्यास कोरोनाची लागण झाल्याचे लक्षात आले. त्यानंतर परिसरातील पदपथांवर भाजी तसेच फळांची विक्री पूर्ण बंद करण्यात आली. या सर्व प्रभागांनी स्वच्छतागृहांच्या स्वच्छतेकडे जास्त लक्ष दिल्याचे सकारात्मक परिणाम दिसले आहेत.

This is the safest city in Mumbai, read on