पालघर : कोरोना विषाणूने पालघर जिल्ह्यात थैमान घातले असतानाच आता जिल्ह्यात सारीच्या (तीव्र श्वसन विकार) तापाने डोके वर काढले आहेत. मराठवाड्यात सारीचे रूग्ण आणि प्रादुर्भाव दिसल्यानंतर आता पालघरमध्येही गुरुवार (ता.23) अखेर 221 सारीचे रुग्ण आढळल्यामुळे प्रशासनाची डोकेदुखी वाढली आहे.

हे ही वाचा : खाकीतली माया ! लॉकडाऊनमध्ये 'त्या' आजीच्या मदतीला धावून गेले पोलीस

आतापर्यंत आढळलेल्या रूग्णांमधील काही रुग्णांची चाचणी निगेटिव्ह आली असली, तरी रुग्णांच्या आकड्यामुळे आश्चर्य व्यक्त होत आहे. अलीकडेच डहाणूमधील 6 वर्षीय मुलीलाही सारी आजाराने ग्रासले होते.  प्रथमदर्शनी तिच्यात लक्षणे दिसल्यानंतर झालेल्या तपासणीत तिचा अहवाल निगेटिव्ह आला. पालघर तालुक्यात उसरणी येथील कोरोनामुळे मृत झालेल्या व्यक्तीलाही सारी झाल्याचे निदर्शनास आले होते. त्यानंतर उसरणी आणि सफाळे येथील पॉझिटिव्ह आलेले रुग्ण यांनाही आधी सारी असल्याचे समोर आले होते, अशी माहिती आरोग्य विभागाने दिली आहे.

मोठी बातमी : बापरे ! धारावीत नवे 25 कोरोना रुग्ण. कोरोनाची ही चेन तुटणार तरी कधी ? 

जिल्ह्यात पहिला सारीचा रुग्ण पालघर तालुक्यात आढळल्यानंतर आता रुग्णांची संख्या 221 झाली आहे. या सारी रुग्णातील काहींचे नमुने पॉझिटिव्ह आल्याने त्यांची तपासणी करून त्यांचे नमुने प्रयोगशाळेत पाठवण्यात आले आहेत. यातून आलेल्या अहवालानंतरच संबंधित रुग्ण करोनाबाधित आहे का, हे निश्चित केले जाणार आहे.
सारीचे रुग्ण आढळल्यामुळे करोनाचा प्रादुर्भाव वाढण्याची शक्यता निर्माण झाली आहे.

जिल्ह्यातील रूग्णांची आकडेवारी
पालघर : 94
वसई-विरार : 46 
डहाणू : 16
जव्हार : 25
मोखाडा : 16
वसई ग्रामीण : 9
तलासरी : 9 
विक्रमगड : 1 
वाडा ः 9 
एकूण : 221

Sari fever in Palghar along with Corona